ഓട്ടോറിക്ഷകള്‍ കൂട്ടിയിടിച്ച് അഞ്ച് പേര്‍ ആശുപത്രിയില്‍: കേസെടുത്തു

File Photo

തൃക്കരിപ്പൂര്‍: ഓട്ടോറിക്ഷകള്‍ കൂട്ടിയിടിച്ച് അഞ്ച് പേര്‍ക്ക് സാരമായി പരിക്കേറ്റ സംഭവത്തില്‍ ചന്തേര പോലീസ് കേസെടുത്ത് അന്വേഷണം തുടങ്ങി. ഇന്നലെ ഉച്ചയ്ക്ക് ചൊവ്വേരി പെട്രോള്‍ പമ്പിന് സമീപത്താണ് അപകടമുണ്ടായത്. നടക്കാവില്‍ നിന്നും പയ്യന്നൂരിലേക്കും തൃക്കരിപ്പൂരില്‍ നിന്ന് എടാട്ടുമ്മലിലേക്കും പോകുകയായിരുന്ന ഓട്ടോറിക്ഷകള്‍ തമ്മില്‍ കൂട്ടിയിടിക്കുകയായിരുന്നു.

പയ്യന്നൂരിലെ ഓട്ടോഡ്രൈവര്‍ പി വി പ്രമോദ് (48), മകന്‍ പ്രണവ് (14) എന്നിവരെ തൃക്കരിപ്പൂര്‍ താലൂക്ക് ആശുപത്രിയിലും തൃക്കരിപ്പൂരിലെ ഓട്ടോഡ്രൈവര്‍ കോയോങ്കരയില്‍ കുഞ്ഞഹമ്മദ് (55), ഓട്ടോയാത്രക്കാരായ കുന്നരു സ്വദേശികളായ ശ്യാമള (47), സഹോദരി നളിനി (51) എന്നിവരെ പയ്യന്നൂരിലെ സ്വകാര്യാശുപത്രിയിലും പ്രവേശിപ്പിച്ചിട്ടുണ്ട്.