Satire | 'നീ കുറുവ സംഘത്തിലെ അംഗമല്ലേ', കേരളത്തിന്റെ ഉറക്കം കെടുത്തുമ്പോഴും ചിരിപടര്‍ത്തി സാമൂഹ്യ മാധ്യമങ്ങളില്‍ ട്രോളുകള്‍
● തമിഴ് നാട്ടില്‍ നിന്നും കേരളത്തിലേക്ക് കടന്നുവന്ന സംഘം.
● അലഞ്ഞ് തിരിഞ്ഞ് മോഷണത്തിനുള്ള വീടുകള്‍ കണ്ടെത്തല്‍.
● അര്‍ധരാത്രിയില്‍, ആയുധങ്ങളുമായി അര്‍ധനഗ്‌നരായി എത്തും.
കാസര്‍കോട്: (KasargodVartha) 'കുറുവാ സംഘം' ഇന്ന് മലയാളികളുടെ പേടിസ്വപ്നമായി മാറിയിരിക്കുന്നു. തമിഴ് നാട്ടില്‍ നിന്നും കേരളത്തിലേക്ക് കടന്നുവന്ന ഈ സംഘം, അലഞ്ഞ് തിരിഞ്ഞ് മോഷണത്തിനുള്ള വീടുകള്‍ കണ്ടെത്തുന്നതായി റിപോര്‍ടുകളുണ്ട്. അര്‍ധരാത്രിയില്‍, ആയുധങ്ങളുമായി അര്‍ധനഗ്‌നരായി വീടുകളിലെത്തുന്ന ഇവര്‍, പ്രതിരോധിക്കാന്‍ ശ്രമിക്കുന്നവരെ നിഷ്‌കരുണം കൊല്ലാന്‍ പോലും മടിക്കുന്നില്ല. നാട്ടില്‍ ഇവരെക്കുറിച്ച് പലതരത്തിലുള്ള ഭീകരകഥകള്‍ പ്രചരിക്കപ്പെടുന്നു.
കേരളം കുറുവ സംഘത്തെ കുറിച്ചുള്ള ചര്‍ച്ചകളില്‍ സജീവമാകുമ്പോള്‍ സാമൂഹ്യ മാധ്യമങ്ങളില്‍ ചിരി പടര്‍ത്തുന്ന ട്രോളുകളും ധാരാളം. കല്യാണം കഴിഞ്ഞതില്‍പ്പിന്നെ വര്‍ഷങ്ങള്‍ക്ക് ശേഷം ഭാര്യ വീട്ടിലെത്തുന്ന ഭര്‍ത്താവിനെ നാട്ടുകാര്‍ തടഞ്ഞുവെക്കുന്നതും കുറുവാ സംഘത്തിലെ ഒരാളാണെന്ന് മുദ്രകുത്തുകയും ചെയ്യുന്ന ട്രോളുകളും സാമൂഹ്യ മാധ്യമത്തില്‍ പ്രചരിക്കുന്നു.
ഇത്തരത്തില്‍ ഒരു അമ്മൂമ്മയുടെ ശബ്ദത്തിലുള്ള ഓഡിയോ സാമൂഹ്യ മാധ്യമങ്ങളില്‍ വൈറലാണ്. കുറുവ സംഘത്തിലെ ഒരാളെന്ന് പറഞ്ഞു നാട്ടുകാര്‍ തടഞ്ഞുവെക്കുകയും താന്‍ ഇന്ന വീട്ടിലെ സ്ത്രീയുടെ ഭര്‍ത്താവാണെന്ന് പറയുകയും ചെയ്തപ്പോള്‍ ഇതിനുമുമ്പ് താങ്കളെ ഇവിടെ കണ്ടിട്ടില്ലല്ലോ എന്നതാണ് നാട്ടുകാരുടെ ട്രോള്‍. കുറുവാ സംഘം പോയാലും ഇല്ലെങ്കിലും നാട്ടില്‍ തക്കംപാര്‍ത്തിരിക്കുന്ന മോഷ്ടാക്കള്‍ വേറെയുമുണ്ടെന്ന് ഇതിനിടയില്‍ പലരും ഓര്‍മിപ്പിച്ചു.
#KuruvaGang #Kerala #Crime #SocialMedia #Memes #Humor #Viral
Tags
Share this story
