Health | ലോക അനീമിയ ദിനത്തിൽ ഇന്ത്യൻ അക്കാദമി ഓഫ് പീഡിയാട്രിക്‌സ് സംഘടിപ്പിച്ച ബോധവൽക്കരണ ക്ലാസുകൾ ശ്രദ്ധേയമായി

കാസർകോട്: (KasargodVartha) ലോക അനീമിയ ദിനത്തോടനുബന്ധിച്ച് ഇന്ത്യൻ അക്കാദമി ഓഫ് പീഡിയാട്രിക്‌സിന്റെ (ഐഎപി) നേതൃത്വത്തിൽ സംഘടിപ്പിച്ച ബോധവൽക്കരണ ക്ലാസുകൾ ശ്രദ്ധേയമായി. കുട്ടികളിലും ഗർഭിണികളിലുമുള്ള വിളർച്ചയെക്കുറിച്ച് അവബോധം നൽകുന്നതിനായി വിവിധ ആശുപത്രികളിലും സ്കൂളുകളിലുമായിരുന്നു ക്ലാസുകൾ നടന്നത്.

കാസർകോട് യുണൈറ്റഡ് ആശുപത്രിയിൽ നടന്ന ചടങ്ങിൽ ഐഎപി കാസർകോട്  സെക്രട്ടറി ഡോ. മാഹിൻ പി അബ്ദുല്ല ക്ലാസെടുത്തു. കുട്ടികളിലും ഗർഭിണികളിലുമുള്ള വിളർച്ചയുടെ കാരണങ്ങളും പ്രതിവിധികളും അദ്ദേഹം വിശദീകരിച്ചു. ഡോ. വീണ മഞ്ജുനാഥ്, ഡോ. മഞ്ജുനാഥ് ഷെട്ടി എന്നിവരും ചടങ്ങിൽ സംസാരിച്ചു.

കേന്ദ്രീയ വിദ്യാലയത്തിൽ നടന്ന ബോധവൽക്കരണ ക്ലാസിൽ ഐഎംഎ ജില്ലാ ചെയർമാൻ ഡോ. നാരായണ നായിക് സംസാരിച്ചു. കാസർകോട് ഗവ. ജനറൽ ആശുപത്രിയിൽ ഐഎപി ജോയിന്റ് സെക്രട്ടറി ഡോ. ഷെറീനയുടെ നേതൃത്വത്തിൽ ബോധവൽക്കരണ ക്ലാസ് നടന്നു. കുമ്പളയിൽ നടന്ന പരിപാടിയിൽ ഐഎപി കാസർകോട് പ്രസിഡന്റ് ഡോ. ദിവാകർ റൈ സംസാരിച്ചു.

ഇതുപോലുള്ള കൂടുതൽ വിവരങ്ങൾക്കായി ഞങ്ങളെ ഫോളോ ചെയ്യുക. നിങ്ങളുടെ അഭിപ്രായങ്ങളും നിർദ്ദേശങ്ങളും അറിയിക്കുക.

The Indian Academy of Pediatrics (IAP) organized awareness classes on World Anemia Day. The classes focused on anemia in children and pregnant women and were held in various hospitals and schools.

#WorldAnemiaDay, #AnemiaAwareness, #IAP, #ChildrenHealth, #WomensHealth, #Kasargod