യുഎഇ മാപ്പിള കലാ അക്കാദമി വനിതാസംഗമം നടത്തി

ദുബൈ: (www.kasargodsvartha.com 10.04.2016) യുഎഇ കേരള മാപ്പിള കലാ അക്കാദമി വനിതാസംഗമം നടത്തി. ദുബൈയില്‍ സംഘടിപ്പിച്ച പരിപാടി പ്രമുഖ എഴുത്തുകാരി ഹണി ഭാസ്‌കര്‍ ഉദ്ഘാടനം ചെയ്തു. കലയും സാഹിത്യവും കൂട്ടായ്മകളും മനുഷ്യ മനസ്സുകളെ ഒന്നിപ്പിക്കാനുള്ള വേദിയാകണമെന്ന് അവര്‍ പറഞ്ഞു.

ദേര റാഫി ഹോട്ടലില്‍ നടന്ന ചടങ്ങില്‍ വനിതാ വിംഗ് ചെയര്‍പേഴ്‌സണ്‍ റീന സലീം അദ്ധ്യക്ഷത വഹിച്ചു. ഷാര്‍ജ ടി വി അറബ് സംഗീത റിയാലിറ്റി ഷോയില്‍ കിരീടം ചൂടിയ മലയാളി ദിയാന്‍ ഗ്രൂപ്പ് ബാലിക മീനാക്ഷി ജയകുമാര്‍ മുഖ്യാതിഥിയായി. ജനറല്‍ കണ്‍വീനര്‍ അഡ്വ. നാസിയ ശബീര്‍ സ്വാഗതം പറഞ്ഞു. അക്കാദമി ഗ്ലോബല്‍ കണ്‍വീനര്‍ ശംസുദ്ദീന്‍ നെല്ലറ, യുഎഇ കമ്മിറ്റി ജനറല്‍ സെക്രടട്ടറി സുഹൈല്‍ ഹാരിസ്, രക്ഷാധികാരി ഷാജഹാന്‍ ഒയാസിസ്, ട്രഷറര്‍ ദിലീപ്, ചീഫ് കോ-ഓര്‍ഡിനേറ്റര്‍ അഷ്‌റഫ് കര്‍ള, വ്യവസായ പ്രമുഖരായ അഡ്വ. ഷിബു പ്രഭാകര്‍, ത്വല്‍ഹത്ത് ഫോറം ഗ്രൂപ്പ്, പുന്നക്കല്‍ മുഹമ്മദലി, ബഷീര്‍ തിക്കൊടി, അഡ്വ. സാജിദ് അബൂബക്കര്‍, യൂസുഫ് കാരക്കാട്, ശുക്കൂര്‍ ഉടുമ്പുന്തല, സുബൈര്‍ വെള്ളിയോട്, ഫയാസ് കാപ്പില്‍, ശബീര്‍ കീഴൂര്‍ സംസാരിച്ചു.

പ്രമുഖ ഗായകരായ റബീഉല്ലാഹ്, പതിനാലാം രാവ് വിജയി സല്‍മാന്‍ ഫാരിസ്, ശാക്കിബ് കൊണ്ടോട്ടി, മുന്ന എന്നിവരുടെ ഗാനമേളയും പ്രവാസി കലാകാരന്മാര്‍ അണിയിച്ചൊരുക്കിയ ഒപ്പനയും സിനിമാറ്റിക്ക് ഡാന്‍സും പരിപാടിക്ക് തിളക്കമേറ്റി. വനിതാ വിംഗ് ട്രഷറര്‍ മുക്കം സാജിദ നന്ദി പറഞ്ഞു.

Keywords: UAE, Dubai, Gulf, Mappilapatt, Women,