കുവൈത്തിലെ വീട്ടില്‍ തീപിടുത്തം; 16 പേരെ രക്ഷപ്പെടുത്തി, ഒഴിവായത് വന്‍ ദുരന്തം

കുവൈത്ത് സിറ്റി: (www.kasargodvartha.com 08.06.2021) കുവൈത്തില്‍ ഫിര്‍ദൗസ് ഏരിയയിലെ സ്വദേശിയുടെ വീട്ടില്‍ തീപിടുത്തം. വീടിനകത്ത് കുടുങ്ങിയ എട്ടു കുട്ടികളുള്‍പ്പെടെ 16 പേരെ സാഹസികമായി രക്ഷപ്പെടുത്തിയതോടെ വന്‍ ദുരന്തമാണ് ഒഴിവായത്. വീടിന്റെ താഴത്തെ നിലയിലാണ് തീ പടര്‍ന്നുപിടിച്ചത്.

അപകട വിവരമറിഞ്ഞ് അര്‍ദിയ, ജലീബ് അല്‍ ശുയൂഖ് എന്നിവിടങ്ങളിലെ അഗ്‌നിശമനസേന അംഗങ്ങള്‍ സ്ഥലത്തെത്തുകയും വീട്ടില്‍ കുടുങ്ങിയ 16 പേരെയും പരിക്കുകള്‍ കൂടാതെ രക്ഷപ്പെടുത്തുകയുമായിരുന്നു. തീ വ്യാപിക്കുന്നതിന് മുമ്പ് തന്നെ നിയന്ത്രണവിധേയമാക്കി. വീടിനകത്തെ സാധനങ്ങള്‍ കത്തി നശിച്ചു. സംഭവത്തില്‍ അധികൃതര്‍ അന്വേഷണം ആരംഭിച്ചു.

Keywords: Kuwait City, News, Gulf, World, Top-Headlines, Fire, Escaped, Sixteen rescued from burning Firdous house