മതേതരത്വവും, വികസനവും ലീഗിന്റെ മുഖമുദ്ര: ഇ.ടി മുഹമ്മദ് ബഷീര്‍ എം.പി

ലീഗിന്റെ മതേതരത്വ സ്വഭാവത്തിന് ജീവിക്കുന്ന ഉദാഹരണങ്ങള്‍ ആണ് ലീഗ് നടപ്പാക്കികൊണ്ടിരിക്കുന്ന ഭവന പദ്ധതി ആയ ബൈത്ത്‌റഹമയും പാവപെട്ട രോഗികള്‍ക്ക് ആശ്വാസമായി മാറിയ സി.എച്ച് സെന്ററുകളുമെന്നും അദ്ദേഹം പറഞ്ഞു.
ന്യൂനപക്ഷങ്ങള്‍ക്ക് മാത്രമല്ല മുന്നോക്ക സമുദായത്തിലെ, പിന്നോക്ക വിഭാഗത്തിന്റെ ആനുകൂല്യങ്ങള്‍ക്ക് വേണ്ടിയും അന്നും ഇന്നും ലീഗ് മുന്നിട്ടിറങ്ങിയിട്ടുണ്ടെന്നും,സി.എച്ചിനെ പോലുള്ള ലീഗിന്റെ മുന്‍കാല നേതാക്കളുടെ ദീര്‍ഘ വീക്ഷണമാണ് പര്‍ദയിട്ട പെണ്‍കുട്ടികളെ ഡല്‍ഹിയിലെ ജെ.എന്‍.യുവില്‍ വരെ കാണാന്‍ കഴിഞ്ഞതെന്നും ഇ.ടി മുഹമ്മദ് ബഷീര്‍ വ്യക്തമാക്കി. ഒരു എം.പിയെ ജനങ്ങള്‍ വിലയിരുത്തുന്നത് വികസനം, പാര്‍ലിമെന്റിലെ ഇടപെടല്‍, മണ്ഡലത്തിലെ സാന്നിധ്യം എന്നീ മൂന്ന് കാര്യങ്ങള്‍ അടിസ്ഥാനമാക്കിയാണ്. ഈ അഞ്ച് വര്‍ഷക്കാലം ഒരു എം.പി എന്ന നിലക്ക് ഞാന്‍ ഈ മൂന്ന് കാര്യങ്ങളിലും വിജയിക്കാന്‍ കഴിഞ്ഞിട്ടുണ്ട് എന്നാണ് വിശ്വാസമെന്ന് അദ്ദേഹം കൂടിച്ചേര്‍ത്തു.
മുഹമ്മദ് ഹസമിന്റെ ഖിറാഅത്തോടെ തുടങ്ങിയ പരിപാടി കെ.എം.സി.സി പൊന്നാനി മണ്ഡലം ഉപാധ്യക്ഷന്‍ സൈനുദ്ദീന്‍ പൊന്നാനി അധ്യക്ഷത വഹിച്ചു. ദുബൈ കെ.എം.സി.സി പ്രസിഡണ്ട് പി.കെ അന്‍വര്‍ നഹ ഉദ്ഘാടനം ചെയ്തു. മണ്ഡലത്തിന്റെ അവാര്‍ഡിന് അര്‍ഹരായ ഡോ. അന്‍വര്‍ അമീന്‍ ബീരാവുണ്ണി തൃത്താല, പി.വി നാസര്‍, അലി കോട്ടക്കല്‍ എന്നിവര്‍ക്കുള്ള അവാര്‍ഡുകള്‍ ഇ.ടി മുഹമദ് ബഷീര്‍ എംപി വിതരണം ചെയ്തു. അവാര്‍ഡ് ജേതാക്കളെ അഡ്വ. ഷബീല്‍ ഉമ്മര്‍ പരിചയപ്പെടുത്തി.

തുടര്‍ന്ന് നടന്ന മുഖാമുഖം പരിപാടി ഇ.ആര്‍ അലി മാസ്റ്റര്‍ നിയന്ത്രിച്ചു. ഭാവിയില്‍ വിദ്യാര്‍ഥികള്‍ക്കുള്ള സ്‌കോളര്‍ഷിപ്പ് വിതരണം, ബൈത്ത് റഹമ ഭവന പദ്ധതി എന്നിവ മണ്ഡലത്തിന്റെ പ്രവര്‍ത്തന പരിഗണയില്‍ ഉണ്ടെന്നു മണ്ഡലം ഭാരവാഹികള്‍ അറിയിച്ചു. ദുബൈ കെ.എം.സി.സി ആക്റ്റിംഗ് ജന.സെക്രട്ടറി നാസര്‍ കുറ്റിച്ചിറ, മലപ്പുറം ജില്ലാ പ്രസിഡണ്ട് ആര്‍. ശുക്കൂര്‍ എന്നിവര്‍ സംസാരിച്ചു. മണ്ഡലം ജന.സെക്രട്ടറി മൊയ്തീന്‍ പൊന്നാനി സ്വാഗതവും ട്രഷറര്‍ ഹമീദ് ചെറവല്ലൂര്‍ നന്ദിയും പറഞ്ഞു.
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.