അബുദാബി സോണ്‍ സാഹിത്യോത്സവം: അല്‍ വഹ്ദ സെക്ടര്‍ ചാമ്പ്യന്മാര്‍

സമസ്ത കേന്ദ്ര മുശാവറ അംഗവും മാട്ടൂല്‍ മന്‍ശഅ് പ്രസിഡണ്ടുമായ സയ്യിദ് ഹാമിദ് കോയമ്മ തങ്ങളുടെ പ്രാര്‍ത്ഥനയോടെ ആരംഭിച്ച സമാപന സമ്മേളനം ഇ.ടി മജീദ് ഹാജി ഉദ്ഘാടനം ചെയ്തു. എസ്.എസ്. എഫ് സംസ്ഥാന പ്രസിഡണ്ട് അബ്ദുല്‍ ജലീല്‍ സഖാഫി കടലുണ്ടി മുഖ്യ പ്രഭാഷണം നടത്തി. സെക്ടറുകള്‍ തമ്മില്‍ വാശിയേറിയ മത്സരമാണ് അവസാനംവരെ കാണാനിടയായത്.

എട്ട് സെക്ടറുകളിലായി നടന്ന മത്സരത്തില്‍ 199 പോയിന്റോടെ അല്‍ വഹ്ദ സെക്ടര്‍ ആര്‍.എസ്.സി സാഹിത്യോത്സവ് 2013 ലെ ചാമ്പ്യന്മാരായി. 184 പോയിന്റ് നേടി
മുസഫ്ഫ സെക്ടര്‍ രണ്ടാം സ്ഥാനവും 182 പോയിന്റോടെ ഖാലിദിയ്യ സെക്ടര്‍ മൂന്നാം സ്ഥാനവും കരസ്ഥമാക്കി.

നാല് സെക്ഷനുകളിലായി നടന്ന മത്സരത്തില്‍ നൂറുകണക്കിന് മത്സരാര്‍ത്ഥികളാണ് മാറ്റുരച്ചത്. പ്രൈമറി വിഭാഗത്തില്‍ ഉമൈദ് (ഖാലിദിയ്യ സെക്ടറര്‍), ജൂനിയര്‍ വിഭാഗത്തില്‍ ഹാശിര്‍ (നാദിസിയ്യ സെക്ടര്‍), സെക്കന്‍ഡറി വിഭാഗത്തില്‍ മാഹിര്‍ (നാദിസിയ്യ സെക്ടര്‍), സീനിയര്‍ വിഭാഗത്തില്‍
അന്‍സാര്‍ സഖാഫി (മുസഫ്ഫ സെക്ടര്‍) കലാപ്രതിഭകളായി തിരഞ്ഞെടുക്കപ്പെട്ടു.


മത്സരവിജയികള്‍ക്ക് അബ്ദുല്‍ ജലീല്‍ സഖാഫി കടലുണ്ടി, മജീദ് ഹാജി, ഷാജഹാന്‍, ഖാസിം പുറത്തീല്‍, മുസമ്മില്‍ കടാങ്കോട്, പി.സി മുഹമ്മദ് ഹാജി, അശ്‌റഫ് മന്ന, അബൂബക്കര്‍ അസ്ഹരി തുടങ്ങിയവര്‍ സമ്മാനവിതരണം നടത്തി.
സാഹിത്യോത്സവിന്റെ ഭാഗമായി വെബ്‌സൈറ്റിലൂടെ നടത്തിയ ക്വിസ് മത്സരത്തിലെ വിജയികളെ ഷാജഹാന്‍ നടുക്കെടുപ്പിലൂടെ പ്രഖ്യാപിച്ചു. അബൂബക്കര്‍ സിദ്ദീഖ് (ദുബൈ), സാജിദ ഹുസൈന്‍ (അല്‍ഐന്‍), അബ്ദുല്‍ഖാദിര്‍ (അജ്മാന്‍) എന്നിവരാണ് ഒന്നും രണ്ടും മൂന്നും സ്ഥാനങ്ങള്‍ നേടിയത

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


വാര്‍ത്ത: ഹാരിസ് മായനാട്

സാഹിത്യോത്സവിലെ ചാമ്പ്യന്മാരായ അല്‍ വഹ്ദ സെക്ടര്‍ ടീം അംഗങ്ങള്‍ ട്രോഫിയുമായി.