ഉപരോധ രാഷട്രങ്ങള്‍ക്കുനേരെ ഖത്തര്‍ തിരിച്ചടിക്കുന്നു: സഊദി, ബഹ്‌റൈന്‍, യു എ ഇ, ഈജിപ്ത് എന്നീ രാജ്യങ്ങളുടെ ഉത്പന്നങ്ങള്‍ രാജ്യത്തെ വ്യാപാരസ്ഥാപനങ്ങളില്‍ നിന്ന് ഉടന്‍ നീക്കം ചെയ്യണം

By Desk EpsilonMay 27, 2018, 18:14 IST

ദോഹ: (www.kasargodvartha.com 27.05.2018) ഉപരോധ രാഷ്ട്രങ്ങള്‍ക്കുനേരെ കടുത്ത നടപടിയുമായി ഖത്തര്‍. ഒരു വര്‍ഷം മുമ്പ് ഖത്തറിന് ഉപരോധമേര്‍പ്പെത്തിയ സഊദി, ബഹ്‌റൈന്‍, യു എ ഇ, ഈജിപ്ത് എന്നീ രാജ്യങ്ങല്‍ക്കുനേരെയാണ് ഖത്തര്‍ കടുത്ത നടപടിക്കൊരുങ്ങുന്നത്. രാജ്യത്തെ വ്യാപാര സ്ഥാപനങ്ങളിലെ ഈ രാഷ്ട്രങ്ങളുടെ ഉത്പന്നങ്ങള്‍ എത്രയും പെട്ടെന്ന് നീക്കം ചെയ്യണമെന്ന ഉത്തരവുമായി രംഗത്തെത്തിയിരിക്കുകയാണ്.

സഊദി, ബഹ്‌റൈന്‍, യു എ ഇ, ഈജിപ്ത് തുടങ്ങിയ രാജ്യങ്ങളില്‍ നിന്നും ഇറക്കുമതി ചെയ്ത ഉത്പന്നങ്ങള്‍ വ്യാപാരസ്ഥാപനങ്ങളില്‍ നിന്ന് എത്രയും പെട്ടെന്ന് നീക്കം ചെയ്യണമെന്നാണ് ഉത്തരവ്. ഉത്തരവ് പാലിക്കപ്പെടുന്നുണ്ടെന്ന് ഉറപ്പുവരുത്താന്‍ ഉദ്യോഗസ്ഥര്‍ കടകലിലും വ്യാപാരസ്ഥാപനങ്ങളിലും പരിശോധന നടത്തും.