ഒമാനില്‍ കാറും ട്രെയിലറും കൂട്ടിയിടിച്ച് മലയാളി യുവാവ് മരിച്ചു

By Web Desk - MainMay 14, 2018, 13:44 IST

മസ്‌കത്ത്: (www.kasargodvartha.com 14.05.2018) ഒമാനില്‍ കാറും ട്രെയിലറും കൂട്ടിയിടിച്ച് മലയാളി യുവാവ് മരിച്ചു. തിരുവനന്തപുരം വര്‍ക്കല സ്വദേശി തുഷാര്‍ നടേശന്‍ (31) ആണ് മരിച്ചത്. ഞായറാഴ്ച രാവിലെ 11 മണിയോടെ മസ്‌കത്ത് - സൂര്‍ റോഡിലാണ് അപകടമുണ്ടായത്. തുഷാര്‍ ഓടിച്ച കാര്‍ ട്രെയിലറിന് അടിയിലേക്ക് പാഞ്ഞുകയറുകയായിരുന്നു.

തുഷാര്‍ തത്ക്ഷണം മരണപ്പെട്ടു. ടിഷ്യൂ പേപ്പര്‍ നിര്‍മാണ കമ്പനിയായ അല്‍ ലൂബ് പേപ്പര്‍ ഫാക്ടറിയില്‍ ജോലി ചെയ്തുവരികയായിരുന്നു തുഷാര്‍. സൂറില്‍ നിന്നും ജോലി കഴിഞ്ഞ് മസ്‌കത്തിലേക്ക് മടങ്ങുമ്പോഴായിരുന്നു അപകടമുണ്ടായത്.