കരിയര്‍ ഗൈഡന്‍സ് ക്ലാസ്സ് സംഘടിപ്പിച്ചു

ഇന്ത്യ ഫ്രറ്റേണിറ്റി ഫോറം ആക്‌സസ് ഇന്ത്യയുമായി സഹകരിച്ച് നടത്തിയ കരിയര്‍ ഗൈഡന്‍സ് ക്ലാസ്സ് ഉദ്ഘാടനം ചെയ്ത് അറബ് ന്യൂസ് എഡിറ്റര്‍ രാമയ്യര്‍ സംസാരിക്കുന്നു.

ജിദ്ദ: ഇന്ത്യ ഫ്രറ്റേണിറ്റി ഫോറം കേരള ചാപ്റ്റര്‍ ആക്‌സസ് ഇന്ത്യയുമായി സഹകരിച്ച് വിദ്യാര്‍ഥികള്‍ക്കായി കരിയര്‍ ഗൈഡന്‍സ് ക്ലാസ്സ് സംഘടിപ്പിച്ചു. അജൂല്‍ ഇന്റര്‍നാഷനല്‍ സ്‌കൂളില്‍ വച്ചു നടത്തിയ പരിപാടി അറബ് ന്യൂസ് എഡിറ്റര്‍ രാമയ്യര്‍ ഉദ്ഘാടനം ചെയ്തു. ആക്‌സസ് ഇന്ത്യ പരിശീലകനും സല്‍മാന്‍ ബിന്‍ അബ്ദുല്‍ അസീസ് യൂനിവേഴ്‌സിറ്റി അധ്യാപകനുമായ ഇസ്മായില്‍ ഹസ്സന്‍ പനവള്ളി ക്ലാസെടുത്തു. വ്യത്യസ്ത കോഴ്‌സുകളെ കുറിച്ചുള്ളവിവരങ്ങളും കുട്ടികളുടെ അഭിരുചികള്‍ക്കനുസരിച്ച് പഠനം മുന്നോട്ടു കൊണ്ടുപോകുന്നതിനുള്ള മാര്‍ഗ നിര്‍ദേശങ്ങളും അദ്ദേഹം നല്‍കി. ഒന്‍പത് മുതല്‍ പന്ത്രാം ക്ലാസ്
വരെ പഠിക്കുന്ന കുട്ടികള്‍ ക്ലാസ്സില്‍ പങ്കെടുത്തു.