സമസ്ത ബഹ്‌റൈന്‍ ഹജ്ജ് രജിസ്‌ട്രേഷന്‍ ഉദ്ഘാടനം ചെയ്തു

മനാമ: (www.kasargodvartha.com 11.05.2014) സമസ്ത കേരള സുന്നീ ജമാഅത്തിന്റെ നേതൃത്വത്തില്‍ ഈ വര്‍ഷത്തെ ഹജ്ജ് സംഘത്തിന്റെ രജിസ്‌ട്രേഷന്‍ താജുദ്ദീന്‍ കണ്ണൂരില്‍ നിന്നും രേഖകള്‍ സ്വീകരിച്ച് സമസ്ത ബഹ്‌റൈന്‍ പ്രസിഡണ്ട് സയ്യിദ് ഫക്രുദ്ദീന്‍ തങ്ങള്‍ ഉദ്ഘാടനം ചെയ്തു.

ആരാധന കര്‍മങ്ങള്‍ അനുഷ്ഠിക്കാന്‍ സാധ്യമായ സമയമായിട്ടും നീട്ടി വെക്കാന്‍ ശ്രമിക്കുന്നത് യഥാര്‍ഥ വിശ്വാസിയുടെ ലക്ഷണമല്ലെന്നും ഹജ്ജ് കര്‍മം നിര്‍വഹിക്കാന്‍ ഉദ്ദേശിക്കുന്നവര്‍ ഹജ്ജ് നേടിത്തരേണ്ട ആത്മീയ ഔന്നത്യത്തെ കുറിച്ച് ബോധവാന്മാരാവണമെന്നൂം അദ്ദേഹം പറഞ്ഞു.
സെക്രട്ടറി എസ്.എം. അബ്ദുല്‍ വാഹിദ്, കളത്തില്‍ മുസ്തഫ, ശഹീര്‍ കാട്ടമ്പള്ളി, വൈസ്.പ്രസിഡണ്ട്. മുഹമ്മദലി, മദ്‌റസ സദര്‍ മുഅല്ലിം എം.സി. മുഹമ്മദ് മൗലവി, സമസ്ത കോര്‍ഡിനേറ്റര്‍ ഉമറുല്‍ ഫറുഖ് ഹുദവി , മൂസ മൗലവി, ഖാലിദ് ഹാജി, ഇബ്രാഹിം ഹാജി ചാലിയാട് എന്നിവര്‍ പങ്കെടുത്തു.

ഹജ്ജ് രജിസ്‌ട്രേഷന്  33987487, 33049112, 34090450 എന്നീ നമ്പറുകളില്‍ ബന്ധപ്പെടാം.