'കരിപ്പൂരിൽ വിമാനമിറങ്ങിയെങ്കിലും വീട്ടിലെത്തിയില്ല'; ഗൾഫിൽ നിന്നെത്തിയ യുവാവിനെ ദുരുഹ സാഹചര്യത്തിൽ കാണാതായതായി പൊലീസിൽ പരാതി

കാഞ്ഞങ്ങാട്: (www.kasargodvartha.com 11.04.2022) ഗൾഫിൽ നിന്നും നാട്ടിലെത്തിയ യുവാവിനെ കാണാനില്ലെന്ന് പരാതി. വെള്ളരിക്കുണ്ട് സ്വദേശിയും കാഞ്ഞങ്ങാട് മൂവാരിക്കുണ്ടിൽ താമസക്കാരനുമായ നാസർ പുഴക്കര(40)യെയാണ് കാണാതായതെന്ന് ബന്ധുക്കൾ ഹൊസ്ദുർഗ് പൊലീസിൽ നൽകിയ പരാതിയിൽ പറഞ്ഞു.
          
ഏപ്രിൽ മൂന്നിന് നാസർ ഗൾഫിൽ നിന്നും കോഴിക്കോട് വിമാനം ഇറങ്ങിയെങ്കിലും വീട്ടിൽ എത്തിയില്ലെന്ന് ബന്ധുക്കൾ പറയുന്നു. നാസർ പോകാൻ സാധ്യതയുള്ള സ്ഥലങ്ങളിലെല്ലാം അന്വേഷിച്ചുവെങ്കിലും കണ്ടെത്താൻ കഴിയാത്തതിനെ തുടർന്നാണ് ബന്ധുക്കൾ ഹൊസ്ദുർഗ് പൊലീസിൽ പരാതി നൽകിയത്.

കാണാതായത് കരിപ്പൂരിൽ വെച്ചായതിനാൽ ഹൊസ്ദുർഗ് പൊലീസ് ബന്ധുക്കളോട്‌ കരിപ്പുർ പൊലീസിൽ പരാതി നൽകാനായി കോഴിക്കോട്ടേക്ക് അയച്ചിരിക്കുകയാണ്. കരിപ്പൂരിൽ സിസിടിവി അടക്കം പരിശോധിച്ചാൽ മാത്രമേ യുവാവിൻ്റെ തിരോധാനം സംബന്ധിച്ച് കൂടുതൽ വിവരങ്ങൾ ലഭിക്കുകയുള്ളു. < !- START disable copy paste -->