ചന്ദ്രഗിരി ഗള്‍ഫ് ഫുട്‌ബോള്‍ ടൂര്‍ണമെന്റ് ലോഗോ പ്രകാശനം ചെയ്തു

ദുബൈ:(www.kasargodvartha.com 06.04.2014) ചന്ദ്രഗിരി ക്ലബ് യുഎഇ കമ്മിറ്റി ദുബൈയില്‍ സംഘടിപ്പിക്കുന്ന മൂന്നാമത് ചന്ദ്രഗിരി ഗള്‍ഫ് ഫുട്‌ബോള്‍ ടൂര്‍ണമെന്റിന്റെ ലോഗോ പ്രകാശനവും ഫുട്‌ബോള്‍ കിക്കോഫും ദുബൈ ദേരയിലുള്ള ഫ്‌ളോറിഡ ഇന്റര്‍നാഷണല്‍ ഹോട്ടലില്‍ വെച്ച് നടന്നു. ചടങ്ങില്‍ ചന്ദ്രഗിരി ക്ലബ്ബിന്റെ വിദ്യാഭ്യാസ രംഗത്തെ പുതിയ കാല്‍വെയ്പായ ചന്ദ്രഗിരി വിദ്യാനിധി സ്‌കോളര്‍ഷിപ്പിന്റെയും ലോഗോ പ്രകാശനം ചെയ്തു.

ചന്ദ്രഗിരി ക്ലബ് യു.എ.ഇ കമ്മിറ്റി പ്രസിഡന്റ് ഹനീഫ് ടിആര്‍ അധ്യക്ഷത വഹിച്ചു. എം.ഐ.എസ് മുഹമ്മദ് കുഞ്ഞി പരിപാടി ഉദ്ഘാടനം ചെയ്തു. ടൂര്‍ണമെന്റിന്റെ ലോഗോ പ്രകാശനം യഹ്യ തളങ്കരയും ഫുട്‌ബോള്‍ കിക്ക് ഓഫ് പഴയകാല ഫുട്‌ബോള്‍ താരം ബഷീര്‍ തളങ്കരയും ചന്ദ്രഗിരി വിദ്യാനിധി സ്‌കോളര്‍ഷിപ്പിന്റെ ലോഗോ പ്രകാശനം എം.എ മുഹമ്മദ്കുഞ്ഞിയും നിര്‍വഹിച്ചു.

ചടങ്ങില്‍ റാഫി, ഹനീഫ മരവയല്‍, മുഹമ്മദ് കുഞ്ഞി വളപ്പില്‍, അഹമ്മദ് ഡിംഡോങ്, അസീസ് സിബി, നൗഫല്‍ (വോയ്‌സ് ഓഫ് കേരള റേഡിയോ), എന്‍.എ അബ്ദുല്ല, റിയാസ് അപ്‌സര, അഷ്‌റഫ് കെ.ആര്‍, അഷ്‌റഫ് ബോസ്, ഖാലിദ് എ.ആര്‍, റാഫി മാക്കോട്, നസീര്‍ കുന്നില്‍, ഷെരീഫ് മയ്യ, അഹ്മദ് മരവയല്‍, ബദുറു സിബി, അഷ്‌റഫ് വളപ്പ്, ജാഫര്‍ സിബി, അസര്‍ ഫിസ, അബ്ദുല്ലകുഞ്ഞി, ഇല്ല്യാസ്, യഹ്‌യ തുടങ്ങിയവര്‍ സംസാരിച്ചു. ഹാരിസ് കല്ലട്ര സ്വാഗതവും അന്‍വര്‍ അബ്ദുല്ല നന്ദിയും പറഞ്ഞു.