അത്യന്തിക മോക്ഷത്തിന് ആത്മീയത അനിവാര്യം: ഡോ.ബഹാഉദ്ധീന്‍ നദ്‌വി

മനാമ സമസ്താലയത്തില്‍ നടന്ന ആത്മീയ സംഗമത്തില്‍ ഡോ. ബഹാഉദ്ധീന്‍ നദ് വി ഉദ്‌ബോധന പ്രഭാഷണം നടത്തുന്നു.

മനാമ: അത്യന്തിക മോക്ഷം നേടാന്‍ ആത്മീയത അനിവാര്യമാണെന്നും ആത്മീയ ഔന്നിത്യം നേടാന്‍ സച്ചരിതരായ പൂര്‍വ്വ സൂരികളെ പിന്തുടരണമെന്നും പ്രമുഖ പണ്ഢിതനും ദാറുല്‍ ഹുദാ യൂണിവേഴ്‌സിറ്റി വൈ.ചാന്‍സിലറും അന്താരാഷ്ട്ര മുസ്ലിം പണ്ഡിത സഭാംഗവുമായ ഡോ. ബഹാഉദ്ധീന്‍ നദ്‌വി കൂരിയാട് അഭിപ്രായപ്പെട്ടു.

'ആത്മീയ ഔന്നത്യം; സാത്വിക നേതൃത്വം' എന്ന പ്രമേയത്തില്‍ മനാമ സമസ്താലയത്തില്‍ സംഘടിപ്പിച്ച ബഹ്‌റൈന്‍ സമസ്ത-എസ്.കെ.എസ്.എസ്.എഫ് സംയുക്ത ആത്മീയ സംഗമത്തില്‍ ഉദ്‌ബോധന പ്രഭാഷണം നടത്തുകയായിരുന്നു അദ്ദേഹം.

ശൈഖുനാ അത്തിപ്പറ്റ ഉസ്താദ് സ്വലാത്തിന് നേതൃത്വം നല്‍കുന്നു

ഇലാഹീ സാമീപ്യം നേടാന്‍ ആത്മസംസ്‌കരണം അനിവാര്യമാണ്. ദിക്ര്‍-സ്വലാത്തുകള്‍ കൊണ്ട് സാധ്യമാകുന്നതും പൂര്‍വ്വ സൂരികളുടെ ജീവിത മാതൃക നമ്മെ ബോധ്യപ്പെടുത്തുന്നതും ഇക്കാര്യമാണെന്നും എന്നാല്‍ ആത്മീയത ചൂഷണം ചെയ്യുന്നവരെ സമുദായം കരുതിയിരിക്കണമെന്നും അദ്ദേഹം ഓര്‍മ്മിപ്പിച്ചു.

വെള്ളിയാഴ്ച പുലര്‍ച്ചെ സുബ്ഹി നമസ്‌കാരാനന്തരം ആരംഭിച്ച സ്വലാത്ത് -ദികര്‍-ദുആ മജ്‌ലിസിന് ശൈഖുനാ അത്തിപ്പറ്റ ഉസ്താദ് നേതൃത്വം നല്‍കി. അല്‍ഐന്‍ സുന്നി സെന്റര്‍ സെക്രട്ടറി പല്ലാര്‍ മുഹ്‌യുദ്ധീന്‍ ഹാജിയും ബഹ്‌റൈന്‍ സമസ്ത-എസ്.കെ.എസ്.എസ്.എഫ് നേതാക്കളും ഏരിയാ പ്രതിനിധികളും ചടങ്ങില്‍ സംബന്ധിച്ചു.



Keywords:  Bahavudheen-Nadwi, Manama