അബുദാബി വനിതാ കെ.എം.സി.സി; അസ്മ ഫാറൂഖി പ്രസിഡണ്ട്, വഹീദ ഹാരിസ് സെക്രട്ട­റി

Asma Farooqi

Waheeda Haris

അബുദാബി: നാല് പതിറ്റാണ്ട് കാലം പ്രവാസ ലോകത്ത് സ്തുത്യര്‍ഹമായ പ്രവര്‍ത്തനങ്ങളുമായി നിറഞ്ഞു നിന്ന അബുദാബി കെ.എം.സി.സി സി. വനിതാ കെ.എം.സി.സി ക്ക് രൂപം നല്‍കി. സി.എച്ച് മുഹമ്മദ്­ കോയ സാഹിബിന്റെ ചരമ ദി­ന­ത്തില്‍ അബുദാബി ഇന്ത്യന്‍ ഇസ്ലാമിക് സെന്ററില്‍ നടന്ന വനിതാ സംഗമത്തില്‍ വെച്ചാണ് പുതുതായി കമ്മറ്റി രൂ­പ­വല്‍കരിച്ച­ത്.

ഭാരവാ­ഹി­ക­ളായി അസ്മ ഫാറൂഖി (പ്രസിഡന്റ്), നജില അബ്ദുല്‍ റഷീദ്, റഹ്മ അബ്ദുല്‍ ഹമീദ്, ജസീന നസീര്‍, സില്‍ജ റിഷാദ് (വൈസ് പ്രസിഡന്റ്), വഹീദ ഹാരിസ് (ജനറല്‍ സെക്രട്ടറി) റഹീന ഫിറോസ്­, സഫീദ മുഷ്താഖ്, അഫീന നൗഷാദ്, ഫാ­ത്വിമാബി അബ്ദുല്‍ സലാം (ജോ:സെക്രട്ട­റി), റാബിയത് ശുകൂര്‍അലി (ട്രഷറര്‍) എന്നിവരെ തെരഞ്ഞെടുത്തു. ഭാരവാഹികള്‍ക്ക് പുറമേ പതിനാറു അംഗങ്ങളെ കൂടി ഉള്‍പെ­ടുത്തിയുള്ള എ­ക്‌സികുട്ടീവ് ബോഡിയും സദസില്‍ വെച് രൂ­പവല്‍കരി­ച്ചു.

Rabiyath Shukur Ali

അബുദാബി ഇന്ത്യന്‍ ഇസ്ലാമിക് സെന്ററില്‍ നൂറോളം സ്തീകള്‍ ഒരുമിച്ചു കൂടിയ രൂപീകരണ യോഗത്തില്‍ മലപ്പുറം ജില്ല പഞ്ചായത്ത് പ്രസിഡന്റ് സുഹറ മമ്പാട് 'സാമൂഹ്യ ജീവിതത്തില്‍ സ്ത്രീകളുടെ പങ്ക് ' എന്നാ വിഷയം അവതരിപ്പിച്ചു മുഖ്യ പ്രഭാഷണം നടത്തി. രാഷ്ട്രീയ പ്രവര്‍ത്തനം നിരീക്ഷിച്ചു പ­രിച­യം  മാത്രമുണ്ടായിരുന്ന പഴയ കാല മുസ്ലിം സ്ത്രീകളില്‍ നിന്ന് വിഭിന്നമായി പുതിയ ലോക ക്രമത്തില്‍ നിരവധി അധികാര സ്ഥാനങ്ങളില്‍ ഇസ്ലാമിക വസ്ത്ര വിധാനതോടെ തന്നെ ഇരിക്കാന്‍ കഴിയുന്നത് സമൂഹം ആര്‍ജിച്ച വലിയ മാറ്റമാണെന്നു സുഹറ മമ്പാട് പറ­ഞ്ഞു.

കാലത്തിന്റെ ചുമരെഴുത്ത് വായിച്ചു പുതിയ വെല്ലു വിളികള്‍ ഏറ്റെടുക്കാന്‍ സ്ത്രീകള്‍ സന്നദ്ധരാകണം. കുടുംബ കാര്യങ്ങള്‍ നോക്കി ഉത്തമയായ ഭാര്യയുടെ റോള്‍ നിരവഹിക്കുമ്പോള്‍ തന്നെ പൊതു സമൂഹത്തിനു വേണ്ടി പ്രവര്‍ത്തിക്കാനും സ്ത്രീ സമൂഹത്തിനു കഴിയണമെന്നും സുഹറ മമ്പാ­ട് കൂ­ട്ടി­ചേര്‍­ത്തു.

കൗമാരക്കാരുടെ കുറ്റ കൃത്യങ്ങള്‍ പെരുകി വരുന്ന കാലത്താണ് നാം ജീവിക്കുന്നത്. നമ്മുടെ മക്കളുടെ ജീവിത രീതിയും വഴിയും ശരിയാണെന്ന് ഉറപ്പു വരുത്താന്‍ കുടുംബിനികള്‍ ബാധ്യസ്ഥരാണ്. പാഠ ഭാഗങ്ങള്‍ പടിപ്പിക്കുന്നതോടൊപ്പം ആദരവും സ്‌നേഹവും മക്കള്‍ക്ക്­ മനസ്സിലാക്കികൊടുക്കണം. കടമകള്‍ നിര്‍വഹിക്കാതെ തെറ്റായ വഴിയില്‍ സ­ഞ്ചരിക്കുന്നത് കാണുമ്പോള്‍ നെടുവീര്‍പ്പിട്ടിട്ടു കാര്യമില്ലെന്നും സുഹറ മമ്പാട് ഓര്‍മിപ്പിച്ചു.

യു.എ.ഇ കെ.എം.സി.സി സെക്രട്ടറി അ­ബ്ദുല്ല ഫാരൂഖി യോഗം ഉദ്ഘാടനം ചെയ്തു. യു.എ.ഇ കെ.എം.സി.സി ജനറല്‍ സെക്രട്ടറി ഇബ്രാഹീം എളെറ്റില്‍, എന്‍. കുഞ്ഞിപ്പ, അബ്ദുല്‍ ഹമീദ് ഹാജി ടി.കെ എന്നിവര്‍ സംസാരിച്ചു. റഹീന ഫിറോസ്­ അധ്യക്ഷത വഹിച്ചു. സില്‍ജ റിഷാദ് ആമുഖ പ്രഭാഷണം നടത്തി. ഷ­റ­ഫുദ്ദീന്‍ മംഗലാട് സ്വാഗതവും ഫാ­ത്വിമബി അബ്ദുല്‍ സലാം നന്ദിയും പറഞ്ഞു.

Keywords: KMCC, ABU DHABI, vanitha KMCC, Asma Farooqi, Waheeda Haris, Rabiyath Shukur Ali, Office, bearers.