Short Film | പ്രണയദിന സമ്മാനമായി ഹ്രസ്വചിത്രം ‘കയറ്’ ഫെബ്രുവരി 14ന്

അഡൂർ: (KasargodVartha) പ്രണയദിനത്തിൽ പ്രണയിക്കുന്നവര്‍ക്കും പ്രണയിക്കാൻ പോകുന്നവര്‍ക്കും ഒരു സമ്മാനം ഒരുക്കിയിരിക്കുകയാണ് അഡൂരിലെ സിനിമപ്രേമികൾ. ഇവർ നിർമിച്ച ‘കയറ്’ എന്ന ഹ്രസ്വചിത്രം ഫെബ്രുവരി 14ന് വൈകുന്നേരം ആറ് മണിക്ക് യൂട്യൂബ് ചാനലിലൂടെ പ്രേക്ഷകരിലേക്കെത്തും.

‘മദം’ എന്ന വൈറൽ ഹിറ്റായ വെബ് സീരിയലിന് ശേഷം ജലേഷ് കുണിയേരി സംവിധാനം ചെയ്യുന്ന പുതിയ ഹ്രസ്വചിത്രമാണിത്. നാട്ടിൻപുറത്തേക്കുള്ള നിഷ്കളങ്കമായ പ്രണയകഥയാണ് ‘കയറ്’ പറയുന്നത്. ബസ് ജീവനക്കാരനായ രാഹുലിന് ഒരു പൊലീസുകാരന്റെ മകളായ മല്ലികയോട് തോന്നുന്ന പ്രണയവും അതിന് പിന്നാലെയുള്ള സംഭവവികാസങ്ങളുമാണ് ഹാസ്യാത്മകമായി ചിത്രത്തിൽ അവതരിപ്പിച്ചിരിക്കുന്നത്.

മനസ്സുകൾ തമ്മിൽ ബന്ധിക്കപ്പെട്ടവർ ഒരിക്കലും വേർപിരിയില്ല എന്ന സന്ദേശമാണ് ഈ ഹ്രസ്വചിത്രം നൽകുന്നത്. ജിസ്‌ന ജലേഷിന്റെ വരികൾക്ക് ജിബിൻ സംഗീതമൊരുക്കിയിരിക്കുന്നു. ആഗ്രഹ് കൊട്ടാരത്തിൽ ക്യാമറ കൈകാര്യം ചെയ്യുമ്പോൾ, ചിത്രസംയോജനം രാജേഷ് കോടോത്ത് നിർവഹിച്ചിരിക്കുന്നു.

പൂർണ്ണമായും അഡൂരിൽ ചിത്രീകരിച്ച ‘കയറ്’ എന്ന ഹ്രസ്വചിത്രത്തിൽ സോഷ്യൽ മീഡിയയിൽ ‘ടൈഗർ അണ്ണൻ’ എന്നറിയപ്പെടുന്ന മനോജ് കുമാർ, കബു, ഭാസ്കരൻ ചാലിങ്കൽ, ലത്തീഫ് ചെറൂണി, മോഹിനി മുളിയാർ, ചൈതന്യ എന്നിവർ മുഖ്യവേഷങ്ങളിൽ എത്തുന്നു. പ്രൊഡക്ഷൻ കൺട്രോളർ അടൂർ പുരുഷോത്തമൻ.

ഈ വാർത്ത പങ്കുവെച്ച് ‘കയറ്’ എന്ന ഹ്രസ്വചിത്രത്തെക്കുറിച്ചുള്ള നിങ്ങളുടെ അഭിപ്രായങ്ങൾ താഴെ കമന്റ് ചെയ്യുക.

On Valentine’s Day, the short film ‘Kayaru’ will be released on YouTube at 6 PM. Directed by Jalesh Kuniyeri, it tells a heartwarming rural love story.

#ValentinesDay #ShortFilm #MalayalamCinema #LoveStory #Kayar #WebSeries