ഞാനൊന്നും ഒരുപകാരവും അവര്‍ക്ക് ചെയ്തിട്ടില്ല, മഹാഭാഗ്യമാണ് ആ സ്‌നേഹം കിട്ടുന്നത്: മമ്മൂട്ടി

കൊച്ചി: (www.kasargodvartha.com 05.03.2022) നടന്‍ തന്റെ ആരാധകരെ കുറിച്ച് പറഞ്ഞ വീഡിയോയാണ് ഇപ്പോള്‍ സമൂഹമാധ്യമങ്ങളില്‍ വൈറലാകുന്നത്. ആരാധകരുടെ സ്‌നേഹം ലഭിക്കുന്നത് മഹാഭാഗ്യമെന്ന് അദ്ദേഹം പറയുന്നു. ഏറ്റവും പുതിയ ചിത്രം 'ഭീഷ്മ പര്‍വ്വം' വന്‍ ഹിറ്റിലേക്ക് കുതിക്കുമ്പോഴാണ് ദുബൈയിയിലെ പ്രസ് മീറ്റിനിടെ മമ്മൂട്ടി ഇക്കാര്യം വ്യക്തമാക്കിയത്.

'ഞാന്‍ ഇന്ന് ഇങ്ങോട്ട് വന്നപ്പോള്‍ ആലോചിച്ചതാണ്. പരസ്യമായി പറയേണ്ട കാര്യമല്ല. ഈ സിനിമ കാണുകയും ആര്‍ത്തലയ്ക്കുകയും ഉല്ലസിക്കുകയും ചെടി എറിയുകയും ബഹളമുണ്ടാക്കുകയും ഒക്കെ ചെയ്യുന്ന ആളുകളെയൊന്നും എനിക്കറിയില്ല. ഞാനൊന്നും ഒരുപകാരവും അവര്‍ക്ക് ചെയ്തിട്ടില്ല. മഹാഭാഗ്യമാണ് അങ്ങനെയുള്ളവരുടെ സ്‌നേഹം കിട്ടുന്നത്', എന്ന് മമ്മൂട്ടി പറഞ്ഞു.