Arrest | കൊടുവാളുമായി റീൽസ്; വീഡിയോ വൈറലായതോടെ കുരുക്ക്; ബിഗ് ബോസ് മത്സരാർഥികൾ ബെംഗ്ളൂറിൽ അറസ്റ്റിൽ

ബെംഗ്ളുറു: (KasargodVartha) പൊതുസ്ഥലത്ത് കൊടുവാൾ വീശി ഭീകരാന്തരീക്ഷം സൃഷ്ടിക്കുന്ന വീഡിയോ ചിത്രീകരിച്ച് സോഷ്യൽ മീഡിയയിൽ പങ്കുവെച്ചതിനെ തുടർന്ന് കന്നഡ ബിഗ് ബോസിലെ മുൻ മത്സരാർത്ഥികളായ രജത് കിഷനെയും വിനയ് ഗൗഡയെയും പൊലീസ് അറസ്റ്റ് ചെയ്തു. ബെംഗ്ളുറു ബസവേശ്വരനഗർ പൊലീസാണ് ഇവരെ പിടികൂടിയത്. 18 സെക്കൻഡ് ദൈർഘ്യമുള്ള വീഡിയോ രജത് കിഷന്റെ ഇൻസ്റ്റാഗ്രാം അക്കൗണ്ടിലാണ് ആദ്യം പ്രത്യക്ഷപ്പെട്ടത്. നിമിഷങ്ങൾക്കകം തന്നെ ഈ ദൃശ്യങ്ങൾ വൈറലാവുകയും പൊതുജനങ്ങളിൽ നിന്ന് വലിയ പ്രതിഷേധം ഉയരുകയും ചെയ്തു.

വീഡിയോയിൽ രജത് കിഷനും വിനയ് ഗൗഡയും ഒരു വലിയ വാൾ പോലുള്ള ആയുധം കൈയിലേന്തി ക്യാമറയ്ക്ക് പോസ് ചെയ്യുകയും പൊതുസ്ഥലത്ത് നടക്കുകയും ചെയ്യുന്നത് കാണാം. സംഭവത്തിൽ പൊലീസ് സ്വമേധയാ എഫ്‌ഐആർ രജിസ്റ്റർ ചെയ്യുകയായിരുന്നു. ആദ്യം ഇരുവർക്കും ഹാജരാകാൻ നോട്ടീസ് നൽകിയിരുന്നു. തുടർന്ന് തിങ്കളാഴ്ച വൈകുന്നേരത്തോടെ ഇവരെ കസ്റ്റഡിയിലെടുക്കുകയും അറസ്റ്റ് രേഖപ്പെടുത്തുകയുമായിരുന്നു

ഇന്ത്യൻ ശിക്ഷാ നിയമത്തിലെ 270-ാം വകുപ്പ് (പൊതു ശല്യം) പ്രകാരവും ആയുധ നിയമത്തിലെ മറ്റ് പ്രസക്തമായ വകുപ്പുകൾ പ്രകാരവുമാണ് ഇരുവർക്കുമെതിരെ കേസെടുത്തിരിക്കുന്നത്. വീഡിയോയിൽ കാണുന്ന വാൾ ഇതുവരെ കണ്ടെത്താനായിട്ടില്ലെന്നും പൊലീസ് അറിയിച്ചു.

ഈ വാർത്തയെ കുറിച്ച് നിങ്ങളുടെ അഭിപ്രായങ്ങൾ രേഖപ്പെടുത്തുക.
 

Kannada Big Boss contestants Rajath Kishan and Vinay Gowda were arrested by Bengaluru police for filming reels with a sword in a public place. The video went viral and sparked public outrage.

#BiggBoss #Arrest #SocialMedia #Reels #Bengaluru #Crime