ജില്ലാ പഞ്ചായത്തിന്റെ ഉറപ്പ് കേട്ട് സർക്കാർ സ്കൂൾ നവീകരിച്ച പി ടി എ കമ്മറ്റി കടക്കെണിയിൽ; ഉദ്യോഗസ്ഥരുടെ അനാസ്ഥ മൂലം കിട്ടാനുള്ള കാശിനു വേണ്ടി ഒരു വർഷമായി കാത്തിരുന്നവർ സമരം പ്രഖ്യാപിച്ചു

എന്നാൽ ഉദ്യോഗസ്ഥരുടെ നിസാര തടസമെന്ന സ്ഥിരം വാദം പറഞ്ഞ് അധികൃതർ തുക തടഞ്ഞുവെക്കുന്നുവെന്നാണ് പി ടി എ കമ്മറ്റി പറയുന്നത്. ഇക്കാര്യങ്ങൾ ജില്ലാ പഞ്ചായത്ത്‌ ഭരണ സമിതിയിലെ ആളുകളോട് തന്നെ പരാതിപ്പെട്ടിട്ടും യാതൊരു നടപടിയും ഉണ്ടായിട്ടില്ല.

പൊതു വിദ്യാഭ്യാസ സംരക്ഷണ പദ്ധതിയുടെ ഭാഗമായി സർക്കാർ സ്കൂൾ നവീകരിക്കാൻ രംഗത്തിറങ്ങിയ സാധാരണക്കാരായ പി ടി എ കമ്മറ്റി ഭാരവാഹികളാണ് ജില്ലാ പഞ്ചായത്തിന്റെ വാക്കുകൾ കേട്ട് കടക്കെണിയിൽപെട്ടിരിക്കുന്നത്. നിർമ്മാണത്തിന് പണം മുടക്കിയവർക്ക് ഇപ്പോൾ പുറത്തിറങ്ങുവാൻ പോലും പറ്റാത്ത സ്ഥിതിയിലാണ്.

സർക്കാർ സ്കൂൾ നവീകരണത്തിനായി രംഗത്തിറങ്ങി കടക്കെണിയിൽ ആയ സാധാരണക്കാരായ പി ടി എ കമ്മറ്റി ഭാരവാഹികളുടെ പ്രശ്നം പരിഹരിച്ചില്ലെങ്കിൽ കാസർകോട് ജില്ലാ പഞ്ചായത്ത്‌ ഓഫീസിനു മുന്നിൽ കുത്തിയിരിപ്പു സമരം നടത്തുമെന്ന് മാലോത്ത്‌ കസബയിലെ നിലവിലെ പി ടി എ പ്രസിഡണ്ട് സനോജ് മാത്യു കാസർകോട് വാർത്തയോട് പറഞ്ഞു.