Training | കാസർകോട്ട് ബ്രിറ്റ്കോ & ബ്രിഡ്കോ പരിശീലന കേന്ദ്രം ഹാരിസ് ബീരാൻ എംപി ഉദ്ഘാടനം ചെയ്യും; പ്ലസ് ടു വിദ്യാർത്ഥികൾക്ക് സ്മാർട്ട് കരിയർ അവസരങ്ങൾ

കാസർകോട്: (KasargodVartha) ഇന്ത്യയിലെ സ്മാർട്ട്ഫോൺ ടെക്നോളജി ട്രെയിനിംഗ് രംഗത്തെ പ്രമുഖ സ്ഥാപനമായ ബ്രിറ്റ്കോ & ബ്രിഡ്കോയുടെ പുതിയ ഇൻസ്റ്റിറ്റ്യൂട്ട് കാസർഗോഡ് പഴയ ബസ് സ്റ്റാൻഡിന് സമീപം നാലപ്പാട് യു കെ മാളിൽ പ്രവർത്തനം ആരംഭിക്കുന്നു. 2025 ഏപ്രിൽ അഞ്ച് ശനിയാഴ്ച ഉച്ചയ്ക്ക് 12 മണിക്ക് രാജ്യസഭാ എംപി അഡ്വ. ഹാരിസ് ബീരാൻ ഇൻസ്റ്റിറ്റ്യൂട്ട് ഉദ്ഘാടനം ചെയ്യും. കാസർഗോഡ് എംഎൽഎ എൻ.എ നെല്ലിക്കുന്ന് ചടങ്ങിൽ സന്നിഹിതനാകും.

ഉദ്ഘാടനത്തോടനുബന്ധിച്ച് വിവിധ സെമിനാറുകൾ സംഘടിപ്പിക്കുന്നുണ്ട്. രാവിലെ 10 മണിക്ക് കാസർഗോഡ് ക്രൈം ബ്രാഞ്ച് ഡി.വൈ.എസ്.പി ഉത്തംദാസ് ടി സൈബർ ബോധവത്കരണ സെമിനാർ ഉദ്ഘാടനം ചെയ്യും. തുടർന്ന് 10:30 ന് സൈബർ ബോധവത്കരണ പരിശീലകൻ രംഗീഷ് കടവത്ത് സെമിനാർ നയിക്കും. 11:30 ന് ബ്രിറ്റ്കോ & ബ്രിഡ്കോ എം.ഡി മുത്തു കോഴിച്ചെന ‘നൈപുണ്യ പരിശീലനത്തിലൂടെ ബിസിനസ് സംരംഭകൻ’ എന്ന വിഷയത്തിൽ സംസാരിക്കും.

ഉച്ചയ്ക്ക് രണ്ട് മണിക്ക് കാസർഗോഡ് ജില്ലാ പഞ്ചായത്ത് പ്രസിഡൻ്റ് ബേബി ബാലകൃഷ്ണൻ കരിയർ ഗൈഡൻസ് സെമിനാർ ഉദ്ഘാടനം ചെയ്യും. 2:30 ന് കരിയർ കോച്ച് ഷാന നസ്രീൻ ‘സ്മാർട്ട് കരിയർ പ്ലസ് ടുവിന് ശേഷം’ എന്ന വിഷയത്തിൽ സെമിനാർ നയിക്കും. തുടർന്ന് ജെ.സി.ഐ ഇന്ത്യയുടെ പരിശീലകൻ സജിത് കുമാർ വി.കെ, ഡോ. ഹംസ അഞ്ചുമുക്കിൽ എന്നിവർ വിവിധ വിഷയങ്ങളിൽ സെമിനാറുകൾ നയിക്കും.
സെമിനാറുകളിൽ പങ്കെടുക്കാൻ മുൻകൂട്ടി രജിസ്റ്റർ ചെയ്യേണ്ടതാണ്. കൂടുതൽ വിവരങ്ങൾക്കും രജിസ്ട്രേഷനും 9947 622 000, 8451 886 888, 9947 620 000 എന്നീ നമ്പറുകളിൽ ബന്ധപ്പെടാവുന്നതാണ്.

1998-ൽ കോട്ടക്കലിൽ സ്ഥാപിതമായ ബ്രിറ്റ്കോ & ബ്രിഡ്കോ കഴിഞ്ഞ 27 വർഷമായി ടെക്നോളജി ട്രെയിനിംഗ് രംഗത്ത് പ്രവർത്തിക്കുന്നു. ടെലികോം സെക്ടർ സ്കിൽ കൗൺസിലിൻ്റെ (Telecom Sector Skill Council -TSSC) കേരളത്തിലെ ഏക അക്കാദമിക് പാർട്ണറും ട്രെയിനിംഗ് പാർട്ണറുമാണ് ബ്രിറ്റ്കോ & ബ്രിഡ്കോ. കേരള സർക്കാരിൻ്റെ വിദ്യാഭ്യാസ വകുപ്പിൻ്റെ കീഴിലുള്ള സമഗ്ര ശിക്ഷാ കേരളയുടെ ഇൻഡസ്ട്രി പാർട്ണർ കൂടിയാണ് ഈ സ്ഥാപനം.

പ്ലസ് ടു കഴിഞ്ഞ വിദ്യാർത്ഥികൾക്ക് സ്മാർട്ട്ഫോൺ ടെക്നോളജി ട്രെയിനിംഗ് നൽകി ജീവിത വിജയം ഉറപ്പാക്കുകയാണ് ബ്രിറ്റ്കോ & ബ്രിഡ്കോയുടെ ലക്ഷ്യം. പഠനത്തോടൊപ്പം തൊഴിൽ പരിചയവും വിദേശത്ത് തൊഴിൽ നേടാനുള്ള അവസരവും ഈ സ്ഥാപനം നൽകുന്നു.
വാർത്താസമ്മേളനത്തിൽ ബ്രിറ്റ്കോ & ബ്രിഡ്കോ എക്സിക്യൂട്ടീവ് ഡയറക്ടർ ഉണ്ണികൃഷ്ണൻ കിനാനൂർ, കാസർഗോഡ് സെന്റർ ഹെഡ് ഇബ്രാഹിം മിസ്ഹബ് ചൂരി പങ്കെടുത്തു.

ഈ വാർത്ത എല്ലാവരിലേക്കും എത്തിക്കാൻ ഷെയർ ചെയ്യൂ. കൂടുതൽ വിവരങ്ങൾ ആവശ്യമുള്ളവർ ബന്ധപ്പെടുക.

Britco & Bridco training center opens in Kasaragod, providing smart career opportunities for plus two students. The institute offers technology training and job placements.

#BritcoBridco, #Kasaragod, #CareerTraining, #SmartCareer, #PlusTwo, #JobOpportunities