നാടെങ്ങും ശിശുദിനാഘോഷം

കാസര്‍കോട്: കുട്ടികളെ പൂക്കളെപ്പോലെ സ്‌നേഹിച്ച ഭാരതത്തിന്റെ പ്രഥമ പ്രധാനമന്ത്രി ചാച്ചാജിയുടെ ജന്മദിനം ഇന്ന് നാടെങ്ങും ശിശുദിനമായി കൊണ്ടാടുന്നു. വിദ്യാഭ്യാസ സ്ഥാപനങ്ങളില്‍ നെഹ്‌റുവിനെ അനുസ്മരിച്ചു കൊണ്ടുള്ള വിവിധ പരിപാടികള്‍ നടന്നു വരുന്നു. പ്രസംഗം, ക്വിസ്, ചിത്രരചന തുടങ്ങിയ മത്സരങ്ങളും നടക്കുന്നുണ്ട്. പലയിടത്തും ശിശുദിന റാലിയും മധുരപലഹാര വിതരണവും നടന്നു. ചാച്ചാജിക്ക് ഏറെ ഇഷ്ടപ്പെട്ട ചുവന്ന റോസാപൂവും ഗാന്ധി തൊപ്പിയും ധരിച്ചാണ് കുട്ടികള്‍ റാലിയില്‍ അണിനിരന്നത്.

ജില്ലാ ശിശുക്ഷേമ സമിതിയുടെ ആഭിമുഖ്യത്തില്‍ കാസര്‍കോട് നഗരത്തില്‍ ശിശുദിന റാലി നടത്തി. ജില്ലാ പഞ്ചായത്ത് പ്രസിഡന്റ് പി.പി. ശ്യാമളാദേവി ഫ്‌ളാഗ് ഓഫ് ചെയ്തു. നഗരസഭാ വൈസ് ചെയര്‍പേഴ്‌സണ്‍ താഹിറ സത്താര്‍, ഇ. അബ്ദുര്‍ റഹ്മാന്‍ കുഞ്ഞു മാസ്റ്റര്‍, അബ്ബാസ് ബീഗം. എം. സുമതി തുടങ്ങിയവര്‍ സംബന്ധിച്ചു.