Youth arrested | എംഡിഎംഎയുമായി യുവാവ് അറസ്റ്റില്‍; 'പിടിയിലായത് കര്‍ണാടകയില്‍ നിന്ന് മയക്കുമരുന്ന് കടത്തി കാസര്‍കോട്ട് വില്‍പന നടത്തുന്നയാള്‍'

കാഞ്ഞങ്ങാട്: (www.kasargodvartha.com) യുവാവിനെ എംഡിഎംഎയുമായി പിടികൂടി. ഹോസ്ദുര്‍ഗ് പൊലീസ് സ്റ്റേഷന്‍ പരിധിയിലെ സിഎ മുഹമ്മദ് അഫ്രീദി (23) ആണ് അറസ്റ്റിലായത്. 1.010 ഗ്രാം എംഡിഎംഎയാണ് യുവാവില്‍ നിന്ന് പിടികൂടിയത്. ബെംഗ്‌ളൂറില്‍ നിന്ന് കേരളത്തിലേക്ക് മയക്കുമരുന്ന് കടത്തികൊണ്ട് വന്ന് കാഞ്ഞങ്ങാട്ടെ തീരപ്രദേശങ്ങളില്‍ വില്‍പന നടത്തുന്നയാളാണ് പിടിയിലായ അഫ്രീദിയെന്ന് പൊലീസ് പറഞ്ഞു.
    
ജില്ലാ പൊലീസ് മേധാവി ഡോ. വൈഭവ് സക്‌സേനയുടെ നേതൃത്വത്തില്‍ നടക്കുന്ന ഓപറേഷന്‍ ക്ലീന്‍ കാസര്‍കോടിന്റെ ഭാഗമായി കാഞ്ഞങ്ങാട് ഡിവൈഎസ്പി, പി ബാലകൃഷ്ണന്‍ നായരുടെയും ഹോസ്ദുര്‍ഗ് ഇന്‍സ്പെക്ടര്‍ കെപി ഷൈനിന്റെയും നേതൃത്വത്തില്‍ നടത്തിയ പരിശോധനയിലാണ് യുവാവ് അറസ്റ്റിലായത്,
              
ഡിവൈഎസ്പിയുടെ സ്‌ക്വാഡ് അംഗങ്ങളായ അബൂബകര്‍ കല്ലായി, നികേഷ്, ജിനേഷ്, പ്രണവ്, ജ്യോതിഷ്, റജില്‍ നാഥ് എന്നിവരാണ് പൊലീസ് സംഘത്തിലുണ്ടായിരുന്നത്. < !- START disable copy paste -->