സുഹൃത്തിനെ വിട്ടുകിട്ടണമെന്നാവശ്യപ്പെട്ട് സ്റ്റേഷനിലെത്തിയ യുവാവ് ഡ്യൂട്ടിയിലുണ്ടായിരുന്ന പോലീസുകാരനോട് കയര്‍ത്തു; ഒടുവില്‍ അറസ്റ്റിലായി

By Web Desk - MainFeb 9, 2018, 16:49 IST

കാസര്‍കോട്: (www.kasargodvartha.com 09.02.2018) സുഹൃത്തിനെ വിട്ടുകിട്ടണമെന്നാവശ്യപ്പെട്ട് സ്റ്റേഷനിലെത്തിയ യുവാവ് ഡ്യൂട്ടിയിലുണ്ടായിരുന്ന പോലീസുകാരനോട് കയര്‍ത്തു. യുവാവിനെ പോലീസ് പിന്നീട് അറസ്റ്റു ചെയ്തു. ചൗക്കി കാവുഗോളിയിലെ കെ. ഉമേശനെ (46) യാണ് കാസര്‍കോട് ടൗണ്‍ പോലീസ് അറസ്റ്റു ചെയ്തത്.

വ്യാഴാഴ്ച രാവിലെയാണ് സംഭവം. പോലീസ് കസ്റ്റഡിയിലെടുത്ത സുഹൃത്തിനെ വിട്ടുകിട്ടണമെന്നാവശ്യപ്പെട്ടാണ് ഉമേശന്‍ സ്റ്റേഷനിലെത്തിയത്. തുടര്‍ന്ന് ജി.ഡി ചാര്‍ജ്ജിലുണ്ടായിരുന്ന പോലീസുകാരോട് കയര്‍ത്ത് സംസാരിക്കുകയും ബഹളം വെക്കുകയുമായിരുന്നു. ഇതോടെ കൃത്യനിര്‍വ്വഹണം തടസ്സപ്പെടുത്തിയതിന് ഉമേശനെതിരെ കേസെടുത്ത് അറസ്റ്റ് രേഖപ്പെടുത്തുകയായിരുന്നു.