Bengaluru Murder | ബംഗളൂരിൽൽ ഭാര്യയെ വെട്ടിനുറുക്കി സ്യൂട്ട്കേസിലാക്കി; പ്രതി പൂനെയിൽ പിടിയിൽ

ബംഗളൂരു: (KasargodVartha) നഗരത്തെ നടുക്കിയ കൊലപാതകത്തിൽ ഭർത്താവ് ഭാര്യയെ വെട്ടിനുറുക്കി സ്യൂട്ട്കേസിലാക്കി. മഹാരാഷ്ട്ര സ്വദേശി വി. രാകേഷ് (39) ആണ് ഭാര്യ ഗൗരി അനിൽ സാംബേക്കറെ (32) കൊലപ്പെടുത്തിയത്. ഹുളിമാവിനടുത്തുള്ള ദൊഡ്ഡ കണ്ണഹള്ളിയിലെ വാടകവീട്ടിൽ വെച്ചായിരുന്നു കൊലപാതകം. കൃത്യത്തിന് ശേഷം രക്ഷപ്പെട്ട പ്രതിയെ പൂനെയിൽ വെച്ച് പോലീസ് പിടികൂടി.

ഡെപ്യൂട്ടി പോലീസ് കമ്മീഷണർ സാറാ ഫാത്തിമയുടെ വെളിപ്പെടുത്തൽ അനുസരിച്ച്, മഹാരാഷ്ട്രയിൽ നിന്നുള്ള രാകേഷും ഗൗരിയും ഒരു മാസം മുമ്പാണ് ഈ വാടകവീട് എടുത്തത്. വ്യാഴാഴ്ച അർദ്ധരാത്രി 12.30-ഓടെ രാകേഷ് വീട് വിട്ടിറങ്ങുന്ന സിസിടിവി ദൃശ്യങ്ങൾ പോലീസിന് ലഭിച്ചിട്ടുണ്ട്. അതിനുമുമ്പ് രാകേഷ് അതേ കെട്ടിടത്തിൽ താമസിക്കുന്ന മറ്റൊരാളെ വിളിച്ച് ഭാര്യ മരിച്ചുപോയെന്ന് അറിയിച്ചിരുന്നു. ഇത് കേട്ട് ഭയന്ന വാടകക്കാരൻ കെട്ടിട ഉടമയെ വിവരം അറിയിക്കുകയും അദ്ദേഹം പോലീസിൽ വിവരമറിയിക്കുകയുമായിരുന്നു.

രാകേഷ് മഹാരാഷ്ട്രയിലുള്ള ഗൗരിയുടെ മാതാപിതാക്കളെ വിളിച്ച് കൊലപാതക വിവരം അറിയിച്ചിരുന്നു. അവർ അവിടെയുള്ള ലോക്കൽ പോലീസ് സ്റ്റേഷനിൽ സംഭവം റിപ്പോർട്ട് ചെയ്യുകയും മഹാരാഷ്ട്ര പോലീസ് കൈമാറിയ വിവരത്തിൻ്റെ അടിസ്ഥാനത്തിൽ ഹുളിമാവ് പോലീസ് അന്വേഷണം ആരംഭിക്കുകയും ചെയ്തു.

ഒരു വർഷം മുമ്പാണ് മഹാരാഷ്ട്രയിൽ നിന്നുള്ള ദമ്പതികളായ രാകേഷും ഗൗരിയും ബംഗളൂരു ദൊഡ്ഡകമ്മനഹള്ളിയിലെ വീട്ടിൽ താമസം ആരംഭിച്ചത്. രാകേഷ് വർക്ക് അറ്റ് ഹോം രീതിയിൽ വീട്ടിലിരുന്നാണ് ജോലി ചെയ്തിരുന്നത്. ഫോറൻസിക് വിദഗ്ധർ സ്ഥലത്തെത്തി പരിശോധന നടത്തി. മൃതദേഹം പോസ്റ്റ്‌മോർട്ടത്തിനായി സെന്റ് ജോൺസ് ആശുപത്രിയിലേക്ക് മാറ്റി. പൂനെ പോലീസിന്റെ കസ്റ്റഡിയിലുള്ള രാകേഷിനെ ബംഗളൂരുവിലേക്ക് കൊണ്ടുവരാൻ ഹുളിമാവ് പോലീസ് സംഘം പൂനെയിലേക്ക് പോയിട്ടുണ്ട്. പ്രതിയെ ട്രാൻസിറ്റ് വാറണ്ടിൽ ബംഗളൂരുവിലേക്ക് കൊണ്ടുവരുമെന്ന് പോലീസ് അറിയിച്ചു.

In a incident in Bengaluru, a man named V. Rakesh (39) from Maharashtra murdered his wife, Gauri Anil Sambekar (32), and stuffed her dismembered body in a suitcase at their rented home in Doddakannahalli near Hulimavu. The accused fled after the crime but was later apprehended by the police in Pune. Investigations are underway, and the accused will be brought back to Bengaluru on a transit warrant.

#BengaluruMurder #CrimeNews #DomesticViolence #Arrested #PunePolice #Karnataka