ക്ഷേത്രഭണ്ഡാരം കുത്തിത്തുറന്ന് വീണ്ടും കവര്‍ച്ച

By Web Desk - MainAug 4, 2019, 11:39 IST

മടിക്കൈ: (www.kasargodvartha.com 04.08.2019) ക്ഷേത്രഭണ്ഡാരം കുത്തിത്തുറന്ന് വീണ്ടും കവര്‍ച്ച. മുണ്ടോട്ട് നന്ദപുരം ഗോപാലകൃഷ്ണക്ഷേത്ര ഭണ്ഡാരമാണ് കുത്തിത്തുറന്ന് പണം കവര്‍ച്ച ചെയ്തത്. വെള്ളിയാഴ്ച രാത്രിയാണ് സംഭവം. രണ്ടര മാസം മുമ്പും ഇതേ ഭണ്ഡാരം കുത്തിത്തുറന്ന് കവര്‍ച്ച നടത്തിയിരുന്നു. ക്ഷേത്രക്കുളത്തിനടുത്താണ് ഭണ്ഡാരം സ്ഥാപിച്ചിരുന്നത്.

എല്ലാമാസവും സംക്രാന്തിദിനത്തിലാണ് ക്ഷേത്രഭാരവാഹികള്‍ ഭണ്ഡാരം തുറക്കുന്നത്. ക്ഷേത്രം സെക്രട്ടറി ഇ ദാമോദരന്റെ പരാതിയില്‍ ഹൊസ്ദുര്‍ഗ് പോലീസ് കേസെടുത്ത് അന്വേഷണം ആരംഭിച്ചു.