തെലുങ്കാനയില്‍ പണം കൊള്ളയടിച്ച സംഘത്തിലെ ഒരാള്‍ കൂടി അറസ്റ്റില്‍; ഇനി കിട്ടാനുള്ളത് രണ്ടു പേരെ, അന്വേഷണം ഊര്‍ജിതം

ഇനി രണ്ടു പേരെ കൂടി കിട്ടാനുണ്ടെന്നും ഇവര്‍ക്കു വേണ്ടി അന്വേഷണം ഊര്‍ജതമാക്കിയിരിക്കുകയാണെന്നും പോലീസ് അറിയിച്ചു. 2017 ജൂലൈ 11ന് രാത്രി 11 മണിയോടെയാണ് ചെമ്മനാട്ടെ ഇബ്രാഹിം ഖലീലിനെയും അണങ്കൂര്‍ സ്വദേശിയായ സുഹൃത്ത് അബ്ദുല്‍ സത്താറിനെയും ആക്രമിച്ച് സംഘം രണ്ട് ലക്ഷം രൂപ തട്ടിയെടുത്തത്. എം പി 68 സി 0624 നമ്പര്‍ ടാറ്റ സഫാരി വാഹനത്തില്‍ മധ്യപ്രദേശില്‍ നിന്നും വരുമ്പോഴാണ് തെലുങ്കാനയിലെ വിക്‌റാബാദ് മൊമിന്‍പേട്ടില്‍ വെച്ച് ആക്രമിക്കപ്പെട്ടത്.

തെലുങ്കാനയിലെ അക്രമം നടന്ന സ്ഥലത്തിനടുത്തെത്തിയപ്പോള്‍ ഇബ്രാഹിമിന്റെ സുഹൃത്തും ഫാക്ടറി ഉടമയുമായ എം ഡി ജുനൈദിനോട് ഇരുവരും സംസാരിച്ചിരുന്നു. രാത്രി 9.30 മണിക്ക് സദാശിവപേട്ട ടൗണ്‍ കടന്ന് നാലു കിലോമീറ്റര്‍ ദൂരം സഞ്ചരിച്ചു തൊട്ടടുത്തുള്ള ഒരു കെമിക്കല്‍ ഫാക്ടറി കടന്നയുടനെ പിന്നാലെ വെളുത്ത കെ എ 01 രജിസ്‌ട്രേഷനിലുള്ള മാരുതി സ്വിഫ്റ്റ് ഡിസയര്‍ കാറിലെത്തിയ സംഘം ഇബ്രാഹിമിനെയും സത്താറിനെയും അക്രമിക്കുകയായിരുന്നു.

അറസ്റ്റിലായ നാലുപേരെയും കോടതിയില്‍ ഹാജരാക്കിയതിനുശേഷം തെലങ്കാനയിലേക്ക് കൊണ്ടുപോയി.

ഫാക്ടറി ഉടമയെ ആക്രമിച്ച് 89 ലക്ഷം രൂപ കവര്‍ന്ന കേസ്; കാസര്‍കോട് രജിസ്‌ട്രേഷനിലുള്ള വാഹനത്തെ പറ്റി അന്വേഷിക്കാന്‍ തെലങ്കാന പോലീസെത്തി