കട കുത്തിത്തുറന്ന് പണം മോഷ്ടിച്ചു

By Web Desk - MainMay 19, 2019, 08:48 IST

ചിറ്റാരിക്കാല്‍: (www.kasargodvartha.com 19.05.2019) കട കുത്തിത്തുറന്ന് പണം മോഷ്ടിച്ചു. ചിറ്റാരിക്കാല്‍ പോലീസ് സ്റ്റേഷന്‍ അതിര്‍ത്തിയില്‍പ്പെട്ട കാറ്റാന്‍കവലയിലെ ഷാജി കുര്യാക്കോസിന്റെ അനാദികടയിലാണ് മോഷണം നടന്നത്. കടയുടെ പൂട്ടുപൊളിച്ച് അകത്ത് കടന്ന മോഷ്ടാവ് മേശ വലിപ്പില്‍ സൂക്ഷിച്ച 4,000 രൂപ കവര്‍ച്ച ചെയതു.

രാവിലെ ഷാജി കുര്യാക്കോസ് കട തുറക്കാനെത്തിയപ്പോഴാണ് മോഷണ വിവരമറിയുന്നത്. തൊട്ടടുത്ത രണ്ട് അനാദി കടയിലും മോഷണ ശ്രമം നടന്നിരുന്നു. ഷാജികുര്യാക്കോസിന്റെ പരാതിയില്‍ ചിറ്റാരിക്കാല്‍ പ്രിന്‍സിപ്പള്‍ എസ്ഐ ഉമേശ് കേസെടുത്ത് അന്വേഷണം ആരംഭിച്ചിട്ടുണ്ട്.