ഓണ്‍ലൈന്‍ പഠനത്തിനായി അയല്‍വീട്ടിലെത്തിയ വിദ്യാര്‍ത്ഥിനിയെ പീഡനത്തിനിരയാക്കി; പ്രതി അറസ്റ്റില്‍

By Web Desk - MainJun 19, 2020, 10:43 IST

കല്ലമ്പലം: (www.kasargodvartha.com 19.06.2020) ഓണ്‍ലൈന്‍ പഠനത്തിനായി അയല്‍വീട്ടിലെത്തിയ വിദ്യാര്‍ത്ഥിനിയെ പീഡനത്തിനിരയാക്കിയ പ്രതിയെ പോലീസ് അറസ്റ്റു ചെയ്തു. മണമ്പൂര്‍ നീറുവിള മാര്‍ക്കറ്റിനു സമീപത്തെ രാജന്‍ എന്ന ഉദയകുമാറിനെ (47) യാണ് കല്ലമ്പലം ഇന്‍സ്‌പെക്ടര്‍ ഫറോസ്, എസ് ഐ വി.നിജാം, രാധാകൃഷ്ണന്‍, ഷാഡോ ടീം അംഗങ്ങളായ ഷിജു, അനൂപ് എന്നിവരുടെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്.

ജൂണ്‍ ഒന്നു മുതലാണ് കേസിനാസ്പദമായ സംഭവം നടന്നത്. പീഡനം തുടര്‍ന്നതോടെ കുട്ടി വീട്ടിലറിയിക്കുകയും പോലീസില്‍ പരാതി നല്‍കുകയുമായിരുന്നു. ഇതോടെ പ്രതി ഒളിവില്‍ പോയി. അന്വേഷണത്തിലാണ് പോലീസ് പിടിയിലായത്. കോടതില്‍ ഹാജരാക്കിയ പ്രതിയെ റിമാന്‍ഡ് ചെയ്തു.