Honeytrap | കർണാടക മന്ത്രിയെ ഹണിട്രാപിൽ കുടുക്കാൻ ശ്രമമെന്ന് വെളിപ്പെടുത്തൽ; ഉന്നതതല അന്വേഷണത്തിന് സർക്കാർ

ബെംഗ്ളുറു: (KasaragodVartha) കർണാടക സർക്കാരിലെ ഒരു മന്ത്രിയെ ഹണിട്രാപിൽ കുടുക്കാൻ രണ്ട് തവണ ശ്രമം നടന്നതായി വെളിപ്പെടുത്തൽ. പൊതുമരാമത്ത് വകുപ്പ് മന്ത്രി സതീഷ് ജാർക്കിഹോളിയാണ് ഇക്കാര്യം മാധ്യമങ്ങളിലൂടെ പുറത്തുവിട്ടത്. മന്ത്രിയോട് ഔദ്യോഗികമായി പരാതി നൽകാൻ ആവശ്യപ്പെട്ടിട്ടുണ്ടെന്നും  മന്ത്രിക്ക് സർക്കാർ പൂർണ പിന്തുണ നൽകുമെന്നും അദ്ദേഹം വ്യക്തമാക്കി. 

കേസിൽ ഔദ്യോഗികമായി അന്വേഷണം നടത്തുന്നതിനും കുറ്റവാളികളെ കണ്ടെത്തുന്നതിനും പൊലീസ് പരാതി ഫയൽ ചെയ്യാൻ മന്ത്രിയോട് ആവശ്യപ്പെട്ടിട്ടുണ്ടെന്നും അദ്ദേഹം കൂട്ടിച്ചേർത്തു. ഈ സംഭവം ചിലർ മുതലെടുക്കുന്നതായി മന്ത്രി ജാർക്കിഹോളി അതൃപ്തി പ്രകടിപ്പിച്ചു. 

ഹണിട്രാപ്പ് സംഭവങ്ങൾ തടയേണ്ടത് അത്യാവശ്യമാണെന്നും മറ്റു പാർട്ടികളുടെ നേതാക്കളും ഇതിന് മുൻപ് ഇത്തരം കെണികളിൽ കുടുങ്ങിയിട്ടുണ്ടെന്നും അദ്ദേഹം ചൂണ്ടിക്കാട്ടി. ഇത്തരം പ്രവർത്തനങ്ങൾ അവസാനിപ്പിക്കാൻ അടിയന്തര നടപടി ആവശ്യമാണെന്നും അതിനാൽ മുഖ്യമന്ത്രിയുമായും ആഭ്യന്തരമന്ത്രിയുമായും സംസാരിച്ചതായും അദ്ദേഹം അറിയിച്ചു.

ഹണിട്രാപ്പ് കേസുകളിൽ ഉന്നതതല അന്വേഷണത്തിന് ഉത്തരവിടുമെന്ന് ആഭ്യന്തരമന്ത്രി ഡോ. ജി പരമേശ്വര വ്യാഴാഴ്ച നിയമസഭയിൽ അറിയിച്ചു. ഇത്തരം പ്രവണതകൾ അവസാനിപ്പിക്കേണ്ടത് അത്യാവശ്യമാണെന്നും നമ്മുടെ അംഗങ്ങളുടെ അന്തസ്സ് രക്ഷിക്കണമെങ്കിൽ ഇത്തരം സംഭവങ്ങൾക്ക് തടയിടണമെന്നും അദ്ദേഹം അഭിപ്രായപ്പെട്ടു. ഇത് ഗുരുതരമായ പ്രശ്നമാണെന്നും അദ്ദേഹം കൂട്ടിച്ചേർത്തു. 

കുറഞ്ഞത് 48 പേരെയെങ്കിലും ഹണിട്രാപ്പിൽ കുടുക്കുകയും അവരുടെ അശ്ലീല വീഡിയോകൾ നിർമ്മിക്കുകയും ചെയ്തതായി മനസ്സിലാക്കിയെന്ന് സഹകരണ മന്ത്രി കെ.എൻ. രാജണ്ണ പറഞ്ഞു. രാഷ്ട്രീയ എതിരാളികളെ ബ്ലാക്ക് മെയിൽ ചെയ്ത് അവസാനിപ്പിക്കുന്ന പ്രവണത ആരംഭിച്ചിട്ടുണ്ടെന്ന് ബജറ്റ് ചർച്ചക്കിടെ ബിജെപി എംഎൽഎ ബസനഗൗഡ പാട്ടീൽ യത്നാൽ ആരോപിച്ചു. 

എതിരാളികളെ നയങ്ങളിലും പ്രത്യയശാസ്ത്രങ്ങളിലും തോൽപ്പിക്കാൻ കഴിയാത്ത ആളുകൾ രാഷ്ട്രീയ ലക്ഷ്യങ്ങൾ നേടുന്നതിനായി ബ്ലാക്ക് മെയിലിംഗ് നടത്തുകയാണെന്ന് ബിജെപി എംഎൽഎ വി. സുനിൽ കുമാർ പറഞ്ഞു. തന്നെ ബലാത്സംഗ കേസിൽ തെറ്റായി കുടുക്കിയതാണെന്ന് ആരോപിച്ച ബിജെപി എംഎൽഎ മുനിരത്ന, തന്റെ കേസ് സെൻട്രൽ ബ്യൂറോ ഓഫ് ഇൻവെസ്റ്റിഗേഷന് (സിബിഐ) കൈമാറണമെന്ന് ആവശ്യപ്പെട്ടു.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക.

Karnataka Minister Satish Jarkiholi revealed attempts to honeytrap him. The government has ordered a high-level investigation. Co-operation Minister KN Rajanna claims at least 48 people have been trapped. Political opponents are accused of using blackmail.

#KarnatakaPolitics #Honeytrap #Investigation #SatishJarkiholi #KNRajanna #PoliticalScandal