വീട് കുത്തിത്തുറന്ന് സ്വര്‍ണാഭരണങ്ങളും പണവും കവര്‍ന്നു

By kvarthakgd1Jun 26, 2017, 11:30 IST

മഞ്ചേശ്വരം: (www.kasargodvartha.com 26/06/2017) വീട് കുത്തിത്തുറന്ന് 13 പവന്‍ സ്വര്‍ണാഭരണങ്ങളും 2,000 രൂപയും കവര്‍ന്നു. മഞ്ചേശ്വരം പാവൂര്‍ കല്ലാജെയിലെ കര്‍ഷകന്‍ ഹസന്‍ കുഞ്ഞിയുടെ വീട്ടിലാണ് ശനിയാഴ്ച രാത്രി കവര്‍ച്ച നടന്നത്.

വീട്ടുകാര്‍ പെരുന്നാള്‍ വിഭവങ്ങളൊരുക്കിയ ശേഷം രാത്രി 12 മണിയോടെ ഉറങ്ങിയതായിരുന്നു. പുലര്‍ച്ചെ അഞ്ച് മണിക്ക് എണീറ്റപ്പോഴാണ് കവര്‍ച്ച നടന്നതായി വ്യക്തമായത്. മുന്‍ഭാഗത്തെ വാതില്‍ പൊളിച്ചാണ് മോഷ്ടാക്കള്‍ അകത്തു കടന്നത്.

വീട്ടുകാര്‍ നല്‍കിയ പരാതിയുടെ അടിസ്ഥാനത്തില്‍ മഞ്ചേശ്വരം പോലീസ് കേസെടുത്ത് അന്വേഷണം ആരംഭിച്ചു.