Arrests | ഉത്സവത്തിന് പോയ ദലിത് യുവതിയെ പീഡിപ്പിക്കാൻ ശ്രമം; ബസ് ജീവനക്കാർ അറസ്റ്റിൽ

മംഗളൂരു: (KasargodVartha) ദലിത് യുവതിക്ക് നേരെ സ്വകാര്യ ബസിൽ ലൈംഗികാതിക്രമം നടത്തിയെന്ന സംഭവത്തിൽ ഡ്രൈവർ, കണ്ടക്ടർ, ബസ് ഏജൻ്റ് എന്നിവരെ അറസിക്കരെ പോലീസ് അറസ്റ്റ് ചെയ്തു. കോട്ടൂർ താലൂക്കിലെ ഡ്രൈവർ പ്രകാശ് മഡിവാള (42), കണ്ടക്ടർ രാജശേഖർ (40), ഹരപ്പനഹള്ളി താലൂക്കിലെ ബസ് ഏജൻ്റ് സുരേഷ് (46) എന്നിവരാണ് അറസ്റ്റിലായത്. ഹാരപ്പനഹള്ളി താലൂക്കിലെ ഉച്ചങ്കിദുർഗയിലെ ചന്നപൂർ ഗ്രാമത്തിന് സമീപമാണ് ദാരുണമായ സംഭവം അരങ്ങേറിയത്.

ബെൽഗാമിൽ നിന്നുള്ള ദലിത് യുവതി ഉച്ചാങ്കിദുർഗയിലെ ഉച്ചാഞ്ചിമ്മൻ മേളയിൽ പങ്കെടുക്കാൻ എത്തിയതായിരുന്നു. രാത്രി മേള കഴിഞ്ഞ് ദാവൻഗരെയിലേക്ക് മടങ്ങാൻ യുവതി ബനശങ്കരി എന്ന ബസിൽ കയറി. ആ സമയം ബസിൽ പത്ത് യാത്രക്കാരുണ്ടായിരുന്നു. എന്നാൽ, അടുത്ത സ്റ്റോപ്പിൽ ബസിലുണ്ടായിരുന്ന പത്ത് യാത്രക്കാരും ഇറങ്ങിയതോടെ ബസിൽ യുവതിയും രണ്ട് കൊച്ചുകുട്ടികളും മാത്രമായി.

ഈ അവസരം മുതലെടുത്ത് ഡ്രൈവർ ബസ് റൂട്ട് മാറ്റി ഓടിച്ചു. ഉച്ചങ്കിദുർഗയിൽ നിന്ന് ദാവൻഗരെയിലേക്ക് പോകുന്നതിന് പകരം അയാൾ ബസ് ചന്നാപൂരിലേക്കാണ് കൊണ്ടുപോയത്. തുടർന്ന് ബസ് നിർത്തിയിട്ട് മൂന്നുപേരും ചേർന്ന് യുവതിയെ ലൈംഗികമായി പീഡിപ്പിക്കാൻ ശ്രമിച്ചു. ഭയന്നുപോയ യുവതി ഉച്ചത്തിൽ നിലവിളിച്ചു. ഈ സമയം അതുവഴി കടന്നുപോയ നാട്ടുകാർ യുവതിയുടെ നിലവിളി കേട്ട് ഓടിയെത്തി. തുടർന്ന് അവരാണ് യുവതിയെ രക്ഷിച്ചത്.

സംഭവമറിഞ്ഞ് സ്ഥലത്തെത്തിയ പോലീസ് പ്രതികളെ ഉടൻ തന്നെ അറസ്റ്റ് ചെയ്തു. അരസികെരെ പോലീസ് സ്റ്റേഷനിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചു. ഇത്തരം സംഭവങ്ങൾ ആവർത്തിക്കാതിരിക്കാൻ ശക്തമായ നടപടി സ്വീകരിക്കുമെന്ന് പോലീസ് അറിയിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Bus crew members were arrested after attempting to assault a Dalit woman in a bus. The woman was rescued by locals and the police began an investigation.

#DalitWoman #Assault #BusCrewArrests #MangaloreNews #CrimeNews #PublicSafety