പെട്ടിക്കട നടത്തുന്ന അംഗപരിമിതനെ സഹായിച്ചതിന് മത്സ്യത്തൊഴിലാളിക്ക് മര്‍ദനം; 3 പേര്‍ക്കെതിരെ കേസ്

By Web Desk - MainJan 16, 2019, 10:39 IST

കാസര്‍കോട്: (www.kasargodvartha.com 16.01.2019) പെട്ടിക്കട നടത്തുന്ന അംഗപരിമിതനെ സഹായിച്ചതിന് മത്സ്യത്തൊഴിലാളിയെ മര്‍ദിച്ചു പരിക്കേല്‍പിച്ചതായി പരാതി. സംഭവത്തില്‍ മൂന്നു പേര്‍ക്കെതിരെ പോലീസ് കേസെടുത്ത് അന്വേഷണം ആരംഭിച്ചു.

നെല്ലിക്കുന്ന് കസബ കടപ്പുറത്തെ ജയദേവന്റെ പരാതിയില്‍ അജിത്ത്, ശരത്ത്, രഞ്ജിത്ത് എന്നിവര്‍ക്കെതിരെയാണ് കാസര്‍കോട് ടൗണ്‍ പോലീസ് കേസെടുത്തത്.

കഴിഞ്ഞ ദിവസമാണ് സംഭവം. പെട്ടിക്കട നടത്തുന്ന സുനാമി കോളനിയിലെ അംഗപരിമിതനായ പ്രമോദിന് സഹായം ചെയ്തതിന് മൂന്നംഗ സംഘം അടിച്ചു പരിക്കേല്‍പിക്കുകയായിരുന്നുവെന്ന് ജയദേവന്‍ പോലീസില്‍ നല്‍കിയ പരാതിയില്‍ പറയുന്നു.