Gold Rate | റെകോര്‍ഡുകള്‍ പിന്തള്ളി സ്വര്‍ണവില കുതിക്കുന്നു; പവന് 68000 കടന്നു
● 22 കാരറ്റ് സ്വര്‍ണത്തിന് ഗ്രാമിന് 85 രൂപ വര്‍ധിച്ചു.
● ഒരു പവന് സ്വര്‍ണത്തിന്റെ വില 68080 രൂപയിലെത്തി.
● 18 കാരറ്റ് സ്വര്‍ണത്തിന് വ്യത്യസ്ത വിലകള്‍ രേഖപ്പെടുത്തി.
കൊച്ചി: (KasargodVartha) സംസ്ഥാനത്ത് സ്വര്‍ണവില കുതിച്ചുയര്‍ന്ന് 68000 പിന്നിട്ടു. കഴിഞ്ഞ ഏഴ് ദിവസത്തിനിടെ പവന് 2600 രൂപയുടെ വര്‍ധനവാണ് രേഖപ്പെടുത്തിയത്. അതേസമയം, സ്വര്‍ണ വ്യാപാരി സംഘടനകള്‍ക്കിടയില്‍ ഭിന്നതകള്‍ നിലനില്‍ക്കുന്നുണ്ടെങ്കിലും, 22 കാരറ്റ് സ്വര്‍ണത്തിന് ഇരു സംഘടനകളും ഒരേ വിലയാണ് നിര്‍ണയിച്ചിരിക്കുന്നത്.വെള്ളി വിലയും സര്‍വക്കാല റെകോര്‍ഡിലാണ് തുടരുന്നത്.
22 കാരറ്റ് സ്വര്‍ണവിലയില്‍ വര്‍ധനവ്
ഏപ്രില്‍ ആദ്യ ദിനമായ ചൊവ്വാഴ്ച 85 രൂപയുടെ വര്‍ധനവാണ് രേഖപ്പെടുത്തിയത്. ഇതോടെ ഒരു ഗ്രാം 22 കാരറ്റ് സ്വര്‍ണത്തിന്റെ വില 8510 രൂപയായി ഉയര്‍ന്നു. ഒരു പവന് സ്വര്‍ണ്ണത്തിന്റെ വില 680 രൂപ കൂടി 68080 രൂപയിലെത്തി. തിങ്കളാഴ്ച (മാര്‍ച്ച് 31) 22 കാരറ്റ് സ്വര്‍ണത്തിന് ഗ്രാമിന് 8425 രൂപയും പവന് 67400 രൂപയുമായി സര്‍വകാല റെക്കോര്‍ഡ് സ്ഥാപിച്ചിരുന്നു.
18 കാരറ്റ് സ്വര്‍ണത്തിന് വ്യത്യസ്ത വിലകള്‍
18 കാരറ്റ് സ്വര്‍ണത്തിന്റെ കാര്യത്തില്‍ വ്യാപാരി സംഘടനകള്‍ക്കിടയില്‍ വ്യത്യസ്ത വിലകളാണ് നിലനില്‍ക്കുന്നത്. കെ സുരേന്ദ്രന്‍ പ്രസിഡന്റും അഡ്വ. എസ് അബ്ദുല്‍ നാസര്‍ സെക്രട്ടറിയുമായി പ്രവര്‍ത്തിക്കുന്ന ഓള്‍ കേരള ഗോള്‍ഡ് ആന്‍ഡ് സില്‍വര്‍ മെര്ച്ചന്റ്സ് അസോസിയേഷന്‍ (AKGSMA) 18 കാരറ്റ് സ്വര്‍ണത്തിന് ഗ്രാമിന് 70 രൂപ വര്‍ദ്ധിപ്പിച്ച് 6980 രൂപയായി വില നിശ്ചയിച്ചു. ഇവരുടെ കണക്കനുസരിച്ച് ഒരു പവന് 18 കാരറ്റ് സ്വര്‍ണത്തിന്റെ വില 560 രൂപ വര്‍ധിച്ച് 55840 രൂപയാണ്. സാധാരണ വെള്ളിയുടെ വിലയില്‍ മാറ്റമില്ല. ഗ്രാമിന് 112 രൂപയാണ്.
അതേസമയം, ഡോ. ബി ഗോവിന്ദന്‍ ചെയര്‍മാനും ജസ്റ്റിന്‍ പാലത്ര പ്രസിഡന്റുമായുള്ള ഓള്‍ കേരള ഗോള്‍ഡ് ആന്‍ഡ് സില്‍വര്‍ മെര്ച്ചന്റ്സ് അസോസിയേഷന്‍ 18 കാരറ്റ് സ്വര്‍ണത്തിന് ഗ്രാമിന് 70 രൂപ കൂട്ടി 7020 രൂപയാണ് വില നിര്‍ണയിച്ചിരിക്കുന്നത്. ഈ സംഘടനയുടെ കണക്കുകള്‍ പ്രകാരം, ഒരു പവന് 18 കാരറ്റ് സ്വര്‍ണത്തിന് 560 രൂപയുടെ വര്‍ദ്ധനവോടെ 56160 രൂപയാണ് വില. വെള്ളിയുടെ വില ഗ്രാമിന് 111 രൂപയില്‍നിന്ന് ഒരു രൂപ കൂടി 112 രൂപയായി തുടരുന്നു.
അന്താരാഷ്ട്ര സ്വര്‍ണ്ണവില 3017 ഡോളറും, രൂപയുടെ വിനിമയ നിരക്ക് 85.47 ലും ആണ്. ഇന്ത്യന്‍ സ്വര്‍ണാഭരണ വിപണിയില്‍ 24 കാരറ്റ് സ്വര്‍ണത്തിന് 90 ലക്ഷം രൂപ ചരിത്രത്തില്‍ ആദ്യമായി കടന്നിട്ടുണ്ട്. ഒരു പവന് സ്വര്‍ണം ഏറ്റവും കുറഞ്ഞ പണിക്കൂലിയില്‍ വാങ്ങണമെങ്കില്‍ 73000 രൂപയ്ക്ക് മുകളില്‍ നല്‍കണം.
നിലവിലെ സാഹചര്യത്തില്‍ വില വര്‍ധനവ് തുടരുകയാണെങ്കില്‍ അത്ഭുതപ്പെടാനില്ല. ആഗോള വിപണിയിലെ മാറ്റങ്ങളും പ്രാദേശിക ആവശ്യകതയും സ്വര്‍ണവിലയെ സ്വാധീനിക്കുന്ന ഘടകങ്ങളാണ്. സ്വര്‍ണ്ണവിലവര്‍ദ്ധനവ് ഇന്ത്യയിലെ ജനങ്ങളുടെ കൈവശമുള്ള സ്വര്‍ണത്തിന്റെ മൂല്യവും വര്‍ദ്ധിക്കുകയാണ്. 25000 മുതല്‍ 30000 ടണ്‍ വരെ സ്വര്‍ണമാണ് ജനങ്ങളുടെ കൈവശമുള്ളത്. അന്താരാഷ്ട്ര സ്വര്‍ണ്ണവില 3200 ഡോളറിലേക്കുള്ള കുതിപ്പ് തുടരുകയാണെന്ന സൂചനകളാണ് വരുന്നത്.
സ്വർണ്ണവിലയിലെ ഈ വർധനവിനെക്കുറിച്ചുള്ള നിങ്ങളുടെ അഭിപ്രായങ്ങളും പ്രതികരണങ്ങളും പങ്കുവെക്കുക. ഈ വാർത്ത എല്ലാവരിലേക്കും എത്തിക്കുക.
Gold prices in Kerala have surged to a record high, surpassing ₹68,000 per sovereign. The price of 22-carat gold increased, and there are differing prices for 18-carat gold due to variations between gold merchant associations. Silver prices also remain at a record high.
#GoldPrice #KeralaGold #RecordHigh #GoldMarket #Investment #Economy
Tags
Share this story
