Gold Price | സ്വർണവിലയിൽ തിങ്കളാഴ്ചയും വ്യത്യസ്ത നിരക്കുകൾ; ഒരു വിഭാഗത്തിന് വില കൂടി, മറുവിഭാഗത്തിന് നിരക്കിൽ മാറ്റമില്ല; വെള്ളി വിലയിൽ മാത്രം യോജിപ്പ്

കൊച്ചി: (KasargodVartha) കേരളത്തിലെ സ്വർണവിപണിയിൽ ആശയക്കുഴപ്പങ്ങൾ നീങ്ങിയില്ല. വ്യാപാരി സംഘടനയിലെ പിളർപ്പ് മൂലം തിങ്കളാഴ്ചയും (03.03.2025) സ്വർണത്തിന് കേരളത്തിൽ വ്യത്യസ്ത വിലയാണ്. 
അയമു ഹാജി പ്രസിഡന്റും അഡ്വ. എസ് അബ്ദുൽ നാസർ സെക്രടറിയുമായ ഓള്‍ കേരള ഗോള്‍ഡ് ആൻഡ് സില്‍വര്‍ മര്‍ചന്റസ് അസോസിയേഷൻ (AKGSMA) തിങ്കളാഴ്ച 18 കാരറ്റ് സ്വർണത്തിന് 15 രൂപയും പവന് 120 രൂപയും വർധിച്ചതായി അറിയിച്ചു. ഗ്രാമിന് 7945 രൂപയും പവന് 63560 രൂപയുമാണ് സംഘടന നിശ്ചയിച്ച വില. 18 കാരറ്റ് സ്വർണത്തിന് ഗ്രാമിന് 10 രൂപ കൂടി 6,530 രൂപയും പവന് 80 രൂപ വർധിച്ച് 52,240 രൂപയുമാണ് നിരക്ക്. സാധാരണ വെള്ളിക്ക് ഗ്രാമിന് ഒരു രൂപ കൂടി 105 രൂപയായി.

അതേസമയം, ഭീമ ഗ്രൂപ് ചെയർമാൻ ഡോ. ബി ഗോവിന്ദൻ ചെയർമാനും ജസ്റ്റിൻ പാലത്ര പ്രസിഡന്റുമായ ഓൾ കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷൻ തിങ്കളാഴ്ച സ്വർണവിലയിൽ മാറ്റമില്ലെന്ന് വ്യക്തമാക്കി. സംഘടനയുടെ തീരുമാനപ്രകാരം, 18 കാരറ്റ് സ്വർണത്തിന് ഗ്രാമിന് 7,940 രൂപയും പവന് 63,520 രൂപയുമാണ് നിരക്ക്. 18 കാരറ്റ് സ്വർണത്തിന് ഗ്രാമിന് 6,540 രൂപയും പവന് 52320 രൂപയുമാണ് വിപണിവില. എന്നാൽ, സാധാരണ വെള്ളിക്ക് ഗ്രാമിന് ഒരു രൂപ കൂടി 105 രൂപയായി. 

ഈ രണ്ട് സംഘടനകളിലും കഴിഞ്ഞയാഴ്ചയാണ് നാടകീയ പിളർപ്പുകൾ ഉണ്ടായത്. ഓൺലൈനിൽ ചേർന്ന സംസ്ഥാന കമിറ്റി യോഗം പുതിയ ആക്ടിംഗ് പ്രസിഡൻ്റിനെ തിരഞ്ഞെടുത്തതായി സംസ്ഥാന ജനറൽ സെക്രടറി അഡ്വ. എസ് അബ്ദുൽ നാസർ അറിയിക്കുകയായിരുന്നു. അതേസമയം, എകെജിഎസ്എംഎ എന്ന പേരിലുള്ള സ്വർണവ്യാപാരികളുടെ രണ്ടു സംഘടനകൾ ഇനി ഒറ്റ സംഘടനയായി പ്രവർത്തിക്കുമെന്ന് ഭീമാ ഗ്രൂപ് ചെയർമാൻ ബി ഗോവിന്ദനും അറിയിച്ചു. തുടർന്ന് ഡോ. ബി. ഗോവിന്ദൻ ചെയർമാനും ജസ്റ്റിൻ പാലത്ര പ്രസിഡന്റുമായി പുതിയ കമിറ്റിയും നിലവിൽ വന്നു. ഇതാണ് സ്വർണവിലയിലും പ്രതിഫലിക്കുന്നത്. ശനിയാഴ്ചയും സ്വർണത്തിന് വ്യത്യസ്ത വിലകളായിരുന്നു.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ താഴെ രേഖപ്പെടുത്തുമല്ലോ.

The gold market in Kerala continues to experience confusion as two factions of the gold traders' association announce different prices. One group increased gold prices, while the other maintained the existing rates. Silver prices saw a slight increase.

#GoldPriceKerala, #GoldRate, #KeralaNews, #GoldMarket, #SilverPrice, #BusinessNews