നാം നമ്മെ നയിക്കാനായി തെരഞ്ഞെടുക്കുന്നവർ നമുക്ക് തന്നെ പാരയാവുമ്പോൾ

മുഹമ്മദ് മൊഗ്രാൽ

(www.kasargodvartha.com 17.06.2021) നമ്മുടെ ദേശീയ പാതയിൽ സ്ഥിരമായി കണ്ടുവരുന്ന ഒരു പ്രതിഭാസമാണ് കോടികൾ ചിലവാക്കി നന്നാക്കിയാലും ഒരു നിശ്ചിത ഇടവേളകളിൽ ആവർത്തിച്ച് പ്രത്യക്ഷപ്പെടുന്ന മരണക്കിണറുകളോളം സമാനമായ ചെറുതും വലുതുമായ കുഴികൾ. 'ബർമുഡ ട്രയാങ്കിൾ' പോലെയുള്ള ഭൗമാത്ഭുതമോ അതല്ല മറ്റു വല്ല അദൃശ്യ കരങ്ങളോ ഇതിന് പിന്നിൽ പ്രവർത്തിക്കുന്നുണ്ടോ എന്നത് ഒരു ഗവേഷണ വിഷയം തന്നെയെന്ന് തോന്നുന്നു.

ചില രാഷ്ട്രീയക്കാരും ഔദ്യോഗിക രംഗത്തുള്ളവരും ബിസിനസ്‌ ലോബികളും ചേർന്നുള്ള അവിശുദ്ധ കൂട്ട് കെട്ടാണ് ഇതിന് പിന്നിൽ പ്രവർത്തിക്കുന്നത് എന്നാണ് സാധാരണ പറഞ്ഞ് കേൾക്കാറുള്ളത്. ശാശ്വതമായി ഒരു പ്രശ്നത്തിന് പരിഹാരമുണ്ടായാൽ മാഫിയകളായ ചിലർക്ക് സാധാരണക്കാരായ നമ്മുടെ ചിലവിൽ ആർമാദിക്കാൻ കഴിയില്ല എന്നതാണത്രെ കാരണം. ധാർമികതക്ക് വില കൽപിക്കാത്ത, ഏതു രീതിയിലായാലും തന്റെ കീശയിൽ കാശ് വന്നാൽ മതി എന്ന് മാത്രം ചിന്തിക്കുന്ന ചിലരുടെ സ്വാർത്ഥ താൽപര്യങ്ങൾക്ക് സമൂഹം നൽകേണ്ടി വരുന്ന വില വളരെ വലുതാണ്.