മണല്‍: വേണം, ഒരു കരുതലും മറുചിന്തയും
Mar 20, 2013, 09:04 IST
മണലെടുപ്പും മണല്‍വാരലും മണല്‍ വേട്ടയും മണലെടുപ്പിനെ തുടര്‍ന്നുണ്ടാകുന്ന അപകടങ്ങളും നമ്മുടെ നാട്ടില്‍ നിത്യസംഭവമായിരിക്കുകയാണല്ലോ. അനധികൃത മണല്‍വാരനെതിരെ കര്‍ശനമായ നിയമവും നടപടികളും ഉണ്ടാകുമ്പോള്‍ തന്നെയാണ് മണല്‍വാരലും കടത്തും നടക്കുന്നത്. മണലിന് പകരം വെക്കാന്‍ മറ്റൊരു സാധനം ഇല്ലാത്തിടത്തോളം കാലം മേല്‍പറഞ്ഞ സംഗതികളെല്ലാം മുടക്കം കൂടാതെ നടക്കുമെന്ന കാര്യത്തില്‍ സംശയമില്ല.
ആളുകള്‍ക്ക് വീടും കെട്ടിടവും പണിയണം. നാട്ടില്‍ വികസനം വരണം. അതിന് മണല്‍ കൂടിയേ തീരൂ. കടലോരത്തുനിന്നും പുഴയോരത്തുനിന്നും ആണ് മണല്‍ ലഭിക്കേണ്ടത്. അവിടെനിന്ന് മണലെടുക്കുമ്പോഴാണ് പ്രശ്‌നങ്ങള്‍ ഉണ്ടാവുന്നത്. ആവശ്യത്തിലധികം മണല്‍ കടലോരത്തുനിന്നും പുഴയോരത്തുനിന്നും വാരിയാല്‍ കടലാക്രമണവും പുഴയുടെ കരയിടിച്ചിലും ഉണ്ടാകുമെന്നും അതുമൂലം പലതരം അപകടങ്ങളും നഷ്ടങ്ങളും ചിലപ്പോള്‍ ജീവ ഹാനിയും സംഭവിക്കും എന്നതും വസ്തുതയാണ്. പലപ്പോഴും ആളുകളുടെ അത്യാര്‍ത്തി മൂലം കടല്‍ തിട്ടയും പുഴയെത്തന്നെയും അപ്പാടെ കൊത്തിയെടുത്ത് ടിപ്പറില്‍ കടത്തുന്ന സാഹചര്യമാണ് നാട്ടിലുള്ളത്. യാതൊരു ദാക്ഷിണ്യവും കൂടാതെയാണ് മണല്‍ ലോഡുകണക്കിന് രാപകല്‍ ഭേദമില്ലാതെ കൊത്തിയെടുത്തുകൊണ്ടു പോവുന്നത്. ഇതിന് വേണ്ടി തന്നെ ഒരു ലോബി നാട്ടില്‍ നിലവിലുണ്ട്. മണല്‍ ലോബി. അവര്‍ക്ക് പോലീസിന്റെയും ക്വട്ടേഷന്‍ സംഘത്തിന്റെയും സംരക്ഷണവും പണത്തിന്റെ പിന്‍ബലവുമുണ്ട്. അപ്പോള്‍ മണലെടുക്കുമ്പോള്‍ കാട്ടേണ്ട മര്യാദകള്‍ കാട്ടാനോ, നിയമങ്ങള്‍ അനുസരിക്കാനോ, പുഴയും കരയും മരിക്കരുത് എന്ന് ചിന്തിക്കാനോ നേരം കിട്ടിയെന്നുവരില്ല.
മണല്‍ വാരല്‍ നിയന്ത്രണം മൂലം പണക്കാരന്റെ പ്രവര്‍ത്തികളൊന്നും മുടങ്ങിയതായി കേട്ടിട്ടില്ല. കാശ് അല്‍പം കൂടുതല്‍ ചെലവാക്കണം എന്നൊരു പ്രശ്‌നം മാത്രമേ അത്തരക്കാര്‍ക്ക് ഉണ്ടായിട്ടുള്ളൂ. ഒരു ഫോണ്‍ കോള്‍ കൊണ്ടും പണം കൊണ്ടും ലോഡുകണക്കിന് മണല്‍ അവന്റെ ആവശ്യാനുസരണം സൈറ്റില്‍ എത്തിയിരിക്കും. മറ്റെല്ലാകാര്യത്തിലും എന്ന പോലെ പാവപ്പെട്ടവന്റെ വയറ്റത്താണ് മണല്‍ നിരോധനവും ചെന്നടിച്ചത്. അവന് ഒരു വീടുവെക്കാന്‍ മണല്‍ ലഭിക്കുന്നില്ല. ഇ-മണല്‍ എന്ന പേരില്‍ ഒരു സംവിധാനമുണ്ടെങ്കിലും അതിന് വില്ലേജോഫീസും പഞ്ചായത്ത് ഓഫീസും അക്ഷയ കേന്ദ്രവും മറ്റും കയറിയിറങ്ങുകയും വീടിന്റെ സ്‌കെച്ചും പ്ലാനും എസ്റ്റിമേറ്റും ലൊക്കേഷന്‍ സര്‍ട്ടിഫിക്കറ്റും പൊസഷന്‍ സര്‍ട്ടിഫിക്കറ്റും നികുതിയടച്ച രസീതിയും സ്ഥലത്തിന്റെ ആധാരവും എല്ലാം വേണം. ഒടുവില്‍ പണമടക്കുകയും അറിയിപ്പ് ലഭിക്കുമ്പോള്‍ വാടകയ്ക്ക് വണ്ടി വിളിച്ച് കൊണ്ടുപോയി നിശ്ചിത കടവില്‍ നിന്ന് കല്ലും മണ്ണും കരിയിലയും മറ്റും അടങ്ങിയ മണല്‍ വേണമെങ്കില്‍ കൊണ്ടുപോവുകയും ചെയ്യാം. ആ പൂഴി അരിച്ചുമാറ്റുമ്പോഴേക്കും കൊണ്ടുപോയതിന്റെ പകുതിയോളം മാത്രമേ ഉണ്ടാവുകയുള്ളു. അതാണ് ഇ-മണല്‍ പ്രസ്ഥാനം.
അടുത്തകാലത്തായി മണലിന് ക്ഷാമം വന്നപ്പോള്‍ ഓട്ടോ റിക്ഷയിലും തലച്ചുമടായും മറ്റു സാധനങ്ങളെന്ന വ്യാജേന ടെമ്പോയിലും മറ്റും മണല്‍ കടത്ത് വ്യാപകമായി. തോണികളിലും ബോട്ടിലും വരെ രാത്രികളില്‍ കടവുകളില്‍ നിന്ന് മണല്‍ കടത്തുന്നു. ഇതൊക്കെ പലപ്പോഴും പോലീസിന്റെ കണ്ണുവെട്ടിച്ചോ, കൈക്കൂലി കൊടുത്ത് പോലീസിനെ ആ ഭാഗത്തേക്ക് വരാതാക്കിയോ ആണ്. അപ്പോഴാണ് രാത്രിയിലെ മണല്‍ കടത്ത് ഇത്രത്തോളം സജീവമായത്. ഇപ്പോള്‍ ചന്ദ്രഗിരി പുഴയിലെ പല കടവുകളില്‍ നിന്നും തളങ്കര അഴിമുഖത്ത് നിന്നും തോണികളില്‍ മണല്‍ വാരി യഥേഷ്ടം കടത്തുന്നുണ്ട്. ജില്ലയിലെ മറ്റു പുഴക്കടവുകളിലും അഴിമുഖങ്ങളിലും ഇത് തന്നെയാണ് സ്ഥിതി. അന്യ സംസ്ഥാന തൊഴിലാളികളോ, കുട്ടിത്തൊഴിലാളികളോ ആണ് രാത്രി കാലങ്ങളില്‍ ജീവന്‍ പണയം വെച്ച് ഇങ്ങനെ മണല്‍ വാരുന്നത്.
ചന്ദ്രഗിരി പുഴയുടെ ചേരൂര്‍, തുരുത്തി, ചെമ്മനാട്, തളങ്കര ഭാഗങ്ങളില്‍ നിന്ന് തോണികളില്‍ മണല്‍ വാരാനും കടത്താനും ധാരാളം കുട്ടികളെയാണ് മണല്‍ മാഫിയകള്‍ ഉപയോഗിക്കുന്നത്. 16 വയസിന് താഴെയുള്ള കുട്ടികളില്‍ പലരും സ്കൂളില്‍ പോകാതെ മണല്‍ വാരാന്‍ പോവുകയാണ്. ഇവര്‍ക്ക് മണലെടുപ്പ് ഏജന്‍സികള്‍ നല്ല പ്രതിഫലം നല്‍കുന്നുണ്ട്. ഒഴുക്കുള്ള പുഴയിലൂടെ, അധികൃതരെ ഭയന്ന്, ജീവന്‍ തന്നെ പണയപ്പെടുത്തിക്കൊണ്ടാണ് കുട്ടിത്തൊഴിലാളികള്‍ മണലെടുപ്പിന് പോവുന്നത്. രാത്രിയാണ് ജോലിയെന്നതിനാല്‍ ഇവര്‍ വീടുകളില്‍ തങ്ങുകയോ, വീട്ടുകാരുടെ നിയന്ത്രണത്തില്‍ വരികയോ ചെയ്യുന്നില്ല. ജോലി ചെയ്യുന്നതിനാല്‍ പണം യഥേഷ്ടം കൈവശമെത്തുന്ന കുട്ടികള്‍ പലപ്പോഴും മദ്യപാനത്തിലേക്കും മയക്കുമരുന്ന് ഉപയോഗത്തിലേക്കും വഴുതി വീഴുകയും ചെയ്യുന്നു. ചില മണലെടുപ്പുകാര്‍ കുട്ടികള്‍ക്ക് മദ്യവും മയക്കുമരുന്നും നല്‍കിയ ശേഷമാണ് ജോലിയെടുപ്പിക്കുന്നത് എന്നും വിവരമുണ്ട്.
അനധികൃതമായ തൊഴില്‍ ചെയ്യാന്‍ പ്രായപൂര്‍ത്തിയാകാത്ത കുട്ടികളെ ഉപയോഗിക്കുക വഴി അവരെ തെറ്റായ ജീവിത രീതിയിലേക്കാണ് മണല്‍ മാഫിയകള്‍ നയിക്കുന്നത്. ചുരുക്കം ചില കുട്ടികള്‍ ജോലി ചെയ്ത വകയില്‍ കിട്ടുന്ന കൂലിയില്‍ ഒരു വിഹിതം വീട്ടുകാര്‍ക്ക് നല്‍കി ആശ്വാസം പകരുന്നുണ്ട് എങ്കിലും കുത്തൊഴുക്കുള്ള പുഴയിലൂടെയുള്ള മണല്‍ നിറച്ച തോണിയില്‍ കൂടിയുള്ള യാത്ര ജീവന്‍ അപകടത്തില്‍ പെടുത്തിക്കൊണ്ടാണെന്ന് അവര്‍ അറിയുന്നില്ല. മണലൂറ്റലിനെ തുടര്‍ന്ന് പല പുഴകളിലും അഗാധ ഗര്‍ത്തങ്ങള്‍ രൂപപ്പെട്ടിരിക്കുകയും അടിയൊഴുക്കുകള്‍ ഉണ്ടാവുകയും അത് അപകട സാധ്യത വര്‍ധിപ്പിക്കുകയും ചെയ്യുന്നു. ഈയിടെ ചന്ദ്രഗിരി പുഴയില്‍ തെക്കില്‍ പാലത്തിനടുത്തുവെച്ച് അനസ് എന്ന യുവാവ് ഒഴുക്കില്‍ പെട്ട് മരിച്ചത് പുഴയിലെ അടിയൊഴുക്ക് കാരണമാണ്. മുന്‍ പിന്‍ വിചാരമില്ലാത്ത മണലൂറ്റലാണ് പുഴയിലെ ഒഴുക്കിന്റെയും വേലിയേറ്റത്തിന്റെയും വേലിയിറക്കത്തിന്റെയും താളം തെറ്റിച്ചത്. അനസിന് മുമ്പും ജില്ലയിലെ പല പുഴകളിലായി നിരവധി പേര്‍ ഒഴുക്കില്‍ പെട്ട് മരിച്ചിട്ടുണ്ട്. മണലെടുപ്പാണ് അത്തരം സംഭവങ്ങളിലെല്ലാം പ്രതിസ്ഥാനത്ത് നില്‍ക്കുന്നത്.
മണല്‍ മാഫിയകള്‍ തഴച്ച് വളരുകയും പുഴകള്‍ അഗാധ ഗര്‍ത്തങ്ങളാവുകയും നാടിന്റെ താളം പിഴക്കുകയും ചെയ്യുമ്പോള്‍ അടിയന്തിരമായ ഒരു പുനര്‍വിചിന്തനം അധികൃതരുടെയും ജനങ്ങളുടേയും ഭാഗത്ത് നിന്ന് ഉണ്ടായേ മതിയാവൂ. ആവശ്യക്കാര്‍ക്ക് മണല്‍ ലഭ്യമാകാനും അവ നേരായ വഴിയിലൂടെ വാരിയെടുക്കാനും ഉള്ള സംവിധാനം ഉണ്ടാകണം. മണല്‍ ചാക്കുകളിലാക്കി സര്‍ക്കാരിന് തന്നെ ന്യായ വിലയ്ക്ക് യഥാര്‍ത്ഥ ആവശ്യക്കാര്‍ക്ക് നല്‍കാവുന്നതുമാണ്. ഇപ്പൊള്‍ സിമന്റ് വാങ്ങുന്നത് പോലെ പൂഴി വാങ്ങുന്ന ശീലം ആളുകള്‍ക്ക് വഴിയേ ഉണ്ടായിക്കൊള്ളും.
-രവീന്ദ്രന്‍ പാടി
Keywords: Sand-export, House, kasaragod, Article, Lorry, Police, Chandragiri-river, Anas, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.
ആളുകള്‍ക്ക് വീടും കെട്ടിടവും പണിയണം. നാട്ടില്‍ വികസനം വരണം. അതിന് മണല്‍ കൂടിയേ തീരൂ. കടലോരത്തുനിന്നും പുഴയോരത്തുനിന്നും ആണ് മണല്‍ ലഭിക്കേണ്ടത്. അവിടെനിന്ന് മണലെടുക്കുമ്പോഴാണ് പ്രശ്‌നങ്ങള്‍ ഉണ്ടാവുന്നത്. ആവശ്യത്തിലധികം മണല്‍ കടലോരത്തുനിന്നും പുഴയോരത്തുനിന്നും വാരിയാല്‍ കടലാക്രമണവും പുഴയുടെ കരയിടിച്ചിലും ഉണ്ടാകുമെന്നും അതുമൂലം പലതരം അപകടങ്ങളും നഷ്ടങ്ങളും ചിലപ്പോള്‍ ജീവ ഹാനിയും സംഭവിക്കും എന്നതും വസ്തുതയാണ്. പലപ്പോഴും ആളുകളുടെ അത്യാര്‍ത്തി മൂലം കടല്‍ തിട്ടയും പുഴയെത്തന്നെയും അപ്പാടെ കൊത്തിയെടുത്ത് ടിപ്പറില്‍ കടത്തുന്ന സാഹചര്യമാണ് നാട്ടിലുള്ളത്. യാതൊരു ദാക്ഷിണ്യവും കൂടാതെയാണ് മണല്‍ ലോഡുകണക്കിന് രാപകല്‍ ഭേദമില്ലാതെ കൊത്തിയെടുത്തുകൊണ്ടു പോവുന്നത്. ഇതിന് വേണ്ടി തന്നെ ഒരു ലോബി നാട്ടില്‍ നിലവിലുണ്ട്. മണല്‍ ലോബി. അവര്‍ക്ക് പോലീസിന്റെയും ക്വട്ടേഷന്‍ സംഘത്തിന്റെയും സംരക്ഷണവും പണത്തിന്റെ പിന്‍ബലവുമുണ്ട്. അപ്പോള്‍ മണലെടുക്കുമ്പോള്‍ കാട്ടേണ്ട മര്യാദകള്‍ കാട്ടാനോ, നിയമങ്ങള്‍ അനുസരിക്കാനോ, പുഴയും കരയും മരിക്കരുത് എന്ന് ചിന്തിക്കാനോ നേരം കിട്ടിയെന്നുവരില്ല.
അടുത്തകാലത്തായി മണലിന് ക്ഷാമം വന്നപ്പോള്‍ ഓട്ടോ റിക്ഷയിലും തലച്ചുമടായും മറ്റു സാധനങ്ങളെന്ന വ്യാജേന ടെമ്പോയിലും മറ്റും മണല്‍ കടത്ത് വ്യാപകമായി. തോണികളിലും ബോട്ടിലും വരെ രാത്രികളില്‍ കടവുകളില്‍ നിന്ന് മണല്‍ കടത്തുന്നു. ഇതൊക്കെ പലപ്പോഴും പോലീസിന്റെ കണ്ണുവെട്ടിച്ചോ, കൈക്കൂലി കൊടുത്ത് പോലീസിനെ ആ ഭാഗത്തേക്ക് വരാതാക്കിയോ ആണ്. അപ്പോഴാണ് രാത്രിയിലെ മണല്‍ കടത്ത് ഇത്രത്തോളം സജീവമായത്. ഇപ്പോള്‍ ചന്ദ്രഗിരി പുഴയിലെ പല കടവുകളില്‍ നിന്നും തളങ്കര അഴിമുഖത്ത് നിന്നും തോണികളില്‍ മണല്‍ വാരി യഥേഷ്ടം കടത്തുന്നുണ്ട്. ജില്ലയിലെ മറ്റു പുഴക്കടവുകളിലും അഴിമുഖങ്ങളിലും ഇത് തന്നെയാണ് സ്ഥിതി. അന്യ സംസ്ഥാന തൊഴിലാളികളോ, കുട്ടിത്തൊഴിലാളികളോ ആണ് രാത്രി കാലങ്ങളില്‍ ജീവന്‍ പണയം വെച്ച് ഇങ്ങനെ മണല്‍ വാരുന്നത്.
ചന്ദ്രഗിരി പുഴയുടെ ചേരൂര്‍, തുരുത്തി, ചെമ്മനാട്, തളങ്കര ഭാഗങ്ങളില്‍ നിന്ന് തോണികളില്‍ മണല്‍ വാരാനും കടത്താനും ധാരാളം കുട്ടികളെയാണ് മണല്‍ മാഫിയകള്‍ ഉപയോഗിക്കുന്നത്. 16 വയസിന് താഴെയുള്ള കുട്ടികളില്‍ പലരും സ്കൂളില്‍ പോകാതെ മണല്‍ വാരാന്‍ പോവുകയാണ്. ഇവര്‍ക്ക് മണലെടുപ്പ് ഏജന്‍സികള്‍ നല്ല പ്രതിഫലം നല്‍കുന്നുണ്ട്. ഒഴുക്കുള്ള പുഴയിലൂടെ, അധികൃതരെ ഭയന്ന്, ജീവന്‍ തന്നെ പണയപ്പെടുത്തിക്കൊണ്ടാണ് കുട്ടിത്തൊഴിലാളികള്‍ മണലെടുപ്പിന് പോവുന്നത്. രാത്രിയാണ് ജോലിയെന്നതിനാല്‍ ഇവര്‍ വീടുകളില്‍ തങ്ങുകയോ, വീട്ടുകാരുടെ നിയന്ത്രണത്തില്‍ വരികയോ ചെയ്യുന്നില്ല. ജോലി ചെയ്യുന്നതിനാല്‍ പണം യഥേഷ്ടം കൈവശമെത്തുന്ന കുട്ടികള്‍ പലപ്പോഴും മദ്യപാനത്തിലേക്കും മയക്കുമരുന്ന് ഉപയോഗത്തിലേക്കും വഴുതി വീഴുകയും ചെയ്യുന്നു. ചില മണലെടുപ്പുകാര്‍ കുട്ടികള്‍ക്ക് മദ്യവും മയക്കുമരുന്നും നല്‍കിയ ശേഷമാണ് ജോലിയെടുപ്പിക്കുന്നത് എന്നും വിവരമുണ്ട്.
മണല്‍ മാഫിയകള്‍ തഴച്ച് വളരുകയും പുഴകള്‍ അഗാധ ഗര്‍ത്തങ്ങളാവുകയും നാടിന്റെ താളം പിഴക്കുകയും ചെയ്യുമ്പോള്‍ അടിയന്തിരമായ ഒരു പുനര്‍വിചിന്തനം അധികൃതരുടെയും ജനങ്ങളുടേയും ഭാഗത്ത് നിന്ന് ഉണ്ടായേ മതിയാവൂ. ആവശ്യക്കാര്‍ക്ക് മണല്‍ ലഭ്യമാകാനും അവ നേരായ വഴിയിലൂടെ വാരിയെടുക്കാനും ഉള്ള സംവിധാനം ഉണ്ടാകണം. മണല്‍ ചാക്കുകളിലാക്കി സര്‍ക്കാരിന് തന്നെ ന്യായ വിലയ്ക്ക് യഥാര്‍ത്ഥ ആവശ്യക്കാര്‍ക്ക് നല്‍കാവുന്നതുമാണ്. ഇപ്പൊള്‍ സിമന്റ് വാങ്ങുന്നത് പോലെ പൂഴി വാങ്ങുന്ന ശീലം ആളുകള്‍ക്ക് വഴിയേ ഉണ്ടായിക്കൊള്ളും.
-രവീന്ദ്രന്‍ പാടി
Keywords: Sand-export, House, kasaragod, Article, Lorry, Police, Chandragiri-river, Anas, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.
Tags
Share this story
