1000 ആധാർ, 9000 പാൻ, 6240 വോട്ടർ ഐഡി... കാർഡുകൾ പിടിച്ചെടുത്തു; വ്യാജ തിരിച്ചറിയൽ രേഖകൾ; നിർമ്മാതാക്കൾ അറസ്റ്റിൽ

By Web Desk AhnJan 4, 2021, 20:48 IST

മംഗളൂരു: (www.kasargodvartha.com 04.01.2021) ആധാർ കാർഡുകൾ മുതൽ വാഹന രെജിസ്റ്ററേഷൻ സർട്ടിഫികറ്റുകൾ വരെ വ്യാജമായി നിർമ്മിച്ചു നൽകുന്ന സംഘത്തിൽ 10 പേരെ സെൻട്രൽ ക്രൈംബ്രാഞ്ച് പൊലീസ് ബംഗളൂറുവിൽ അറസ്റ്റു ചെയ്തു. ഗുള്ളാള കനകപുര റോഡിലെ കമലേഷ്കുമാർ ബാവലിയ (35), പുട്ടിനഹള്ളി സ്വദേശി ലോകേഷ് എന്ന സലബന്ന (37), ശാന്തിനഗർ സ്വദേശികളായ സുദർശൻ എന്ന സത്യനാരായണ (50), നിർമ്മൽ കുമാർ(56), കെങ്കേരിയിലെ ദർശൻ (25), ഹാസനിലെ ശ്രീധർ (31), ജനഭാരതിയിലെ ചന്ദ്രപ്പ (28), വിജയനഗറിലെ അഭിലാഷ് (27), ബസവേശ്വര നഗറിലെ തേജസ് (30), വിജയനഗറിലെ ആദിത്യ ഭാരതി (35) എന്നിവരാണ് അറസ്റ്റിലായത്.

1000 ആധാർ, 9000 പാൻ, 6240 വോട്ടർ ഐഡി... കാർഡുകൾ പിടിച്ചെടുത്തു; വ്യാജ തിരിച്ചറിയൽ രേഖകൾ; നിർമ്മാതാക്കൾ അറസ്റ്റിൽ

തട്ടിപ്പിന്റെ കേന്ദ്ര ബിന്ദുവെന്നു കരുതുന്ന കമലേഷ്കുമാറിന്റെ താമസസ്ഥലത്ത് നടത്തിയ പരിശോധനയിൽ വ്യാജമായി നിർമ്മിച്ച 1000 ആധാർ കാർഡുകൾ, 9000 പാൻകാർഡുകൾ, 12250 ആർ സികൾ, 6240 വോട്ടർ ഐഡി കാർഡുകൾ, മൂന്നു ലാപ്ടോപ്പുകൾ, 60,000 രൂപ എന്നിവ പിടിച്ചെടുത്തു. തിരിച്ചറിയൽ കാർഡുകൾ പ്രിന്റ് ചെയ്യുന്നതിനുള്ള കരാർ നിർവ്വഹിക്കുന്ന റോസ്മെട്ര ടെക്നോളജീസ് എന്ന സ്ഥാപനത്തിലെ ജീവനക്കാരും അറസ്റ്റിലായവരിൽ ഉൾപ്പെടുമെന്ന് ബംഗളൂറു പൊലീസ് കമ്മീഷണർ കമൽ പന്ദും ജോയിന്റ് കമ്മീഷണർ സന്ദീപ് പടിലും പറഞ്ഞു. മോഷണം നടത്തിയ ഡാറ്റകൾ ഉപയോഗിച്ച് രണ്ടുവർഷമായി സംഘം ഈ ഏർപ്പാട് തുടർന്നുവരുന്നതായാണ് പ്രാഥമിക വിവരം.

Keywords: Karnataka, News, Fake, Identity Card, Accused, Mangalore, Arrest, Police, Case, Top-Headlines, Aadhar Card, Pan card, Fake document, Seized, 1000 Aadhaar, 9000 PAN, 6240 Voter ID ... cards seized; Fake identity documents; Manufacturers arrested.

< !- START disable copy paste -->