ഈ അമ്മ 81-ാം വയസിലും നിരാഹാരം കിടക്കുന്നത് നമുക്ക് വേണ്ടിയാണ്! ഭരണകൂടമേ കണ്ണ് തുറക്കുമോ

    
ഇതൊരു രാഷ്ട്രീയ പാർട്ടി നടത്തുന്ന സമരമല്ല, ഒരു രാഷ്ട്രീയ പാർട്ടിക്ക് എതിരെയും നടത്തുന്ന സമരമല്ല. പാവപ്പെട്ട ജനങ്ങളുടെ അവകാശങ്ങൾക്ക് വേണ്ടി പോരാടുകയാണ്. കാസർകോട്ടെ ജനങ്ങൾക്കും ആരോഗ്യത്തോടെ ജീവിക്കണം, ഞങ്ങളും മനുഷ്യരാണ്, കേരളത്തിന്റെ മക്കളാണ്. ചികിത്സക്ക് വേണ്ടി കേരളത്തിന്റെ അതിർത്തി കടന്ന് ഇതര സംസ്ഥാനങ്ങളെ ആശ്രയിക്കേണ്ട അവസ്ഥ ഇനി ഞങ്ങൾക്കുണ്ടാവരുത്, പേരിന് വേണ്ടി മെഡിക്കൽ കോളേജ് എന്നൊരു അസ്ഥിക്കൂടമാണ് ഉക്കിനടുക്കയിൽ ഉള്ളത്. ഇതിൽ നിന്നെല്ലാം മോചനം വേണം. ദയാബായി അമ്മക്ക് നമുക്ക് പൂർണ്ണ പിന്തുണ നൽകേണ്ടതുണ്ട്.
  
1984 ൽ രൂപീകൃതമായ കാസർകോട് ജില്ല ഇന്നും ആരോഗ്യ മേഖലയിൽ ശൈശവ ദിശയിൽ തന്നെയാണ്. കൊറോണയുടെ ആദ്യ കാലഘട്ടത്തിൽ കർണാടക അതിർത്തി അടച്ചിട്ടത് കാരണം അതിർത്തിയിൽ ഒരുപാട് ജീവനുകളാണ് പൊലിയേണ്ടി വന്നത്. കേരളം എയിംസ് പ്രൊപോസലിൽ കാസറഗോഡ് ജില്ലയുടെ പേര് ചേർക്കണം, കേന്ദ്രം കാസർകോടിന് എയിംസ് അനുവദിക്കണം എന്നാവശ്യം ഉന്നയിച്ച് വർഷങ്ങളായി കാസർകോട്ടെ ജനങ്ങൾ വ്യത്യസ്തമായ സമാധാനപരമായ സമരങ്ങൾ നടത്തി കൊണ്ടിരിക്കുകയാണ്, ഭരണകൂടം കണ്ണ് തുറക്കും എന്ന വിശ്വാസത്തോടെ.

Keywords:  Kasaragod, Kerala, News, Health, Hospital, Health-Department, Protest, Thiruvananthapuram, Article, Endosulfan, Dayabai's hunger strike.