വയലില്‍ കടല്‍വെള്ളം ഇരച്ചുകയറി; ഒന്നര ഏക്കര്‍ നെല്‍കൃഷി നശിച്ചു

By Web Desk SNDec 3, 2017, 20:39 IST

കുമ്പള: (www.kasargodvartha.com 03.12.2017) വയലില്‍ വെള്ളം കയറിയതിനെ തുടര്‍ന്ന് ഒന്നര ഏക്കറോളം നെല്‍കൃഷി നശിച്ചു. ബംബ്രാണ വയലിലെ ഗുരുവയുടെ നെല്‍കൃഷി യാണ് നശിച്ചത്. ഈ ഭാഗത്തെ പത്തോളം കുടുംബങ്ങളെ മാറ്റിപ്പാര്‍പ്പിച്ചു. മുഹമ്മദ്, അബ്ദുല്ല എന്നിവരുടെ കുടുംബങ്ങളെയാണ് മാറ്റിപ്പാര്‍പ്പിച്ചത്.

ശനിയാഴ്ച രാത്രി പത്ത് മണിയോടെയാണ് വീടുകളിലേക്കും വയലുകളിലേക്കും കടല്‍ വെള്ളം കയറിയത്. കുമ്പള കോയിപ്പാടി കടപ്പുറത്ത് കടലാക്രമണത്തെ തുടര്‍ന്ന് ഇവിടത്തെ ഇരുപതോളം വീടുകളിലേക്ക് വെള്ളംകയറി.