കാസർകോട്ട് ഏറ്റവും കൂടുതൽ നേന്ത്രവാഴ കൃഷിചെയ്യുന്ന സ്ഥലത്ത് കുലകളിൽ കറുത്തപാടുകൾ; പ്രതിസന്ധികൾക്കിടെ വിളവെടുത്ത കർഷകർക്ക് കണ്ണീര് മാത്രം

നേന്ത്രവാഴയ്ക്ക് വിപണിയിൽ നല്ല വില ലഭിക്കുന്ന സമയത്ത് വന്ന ഫംഗസ് ബാധ കർഷകർക്ക് ഏറെ തിരിച്ചടിയായിരിക്കുകയാണ്. നിറ വ്യത്യാസം കാരണം പലരും വാങ്ങാൻ തയാറാവുന്നില്ല. ഇതുമൂലം പകുതിവിലക്ക് വിറ്റൊഴിവാക്കേണ്ടുന്ന ഗതികേടിലാണ് പല കർഷകരും. കാസർകോട്ട് ഏറ്റവും കൂടുതൽ നേന്ത്രവാഴ കൃഷി ചെയ്യുന്ന പ്രദേശങ്ങൾ ആണിത്. നൂറുകണക്കിന്‌ കുലകളാണ്‌ എന്തുചെയ്യണമെന്നറിയാതെ കർഷകരുടെ കൈയിലുള്ളത്‌.

പ്രളയത്തിലും പ്രകൃതി ക്ഷോഭത്തിലും കൃഷിനാശം സംഭവിച്ച് പ്രയാസത്തിലായ കർഷകർ, കോവിഡും ലോക് ഡൗണും കൂടിയായതോടെ സാമ്പത്തിക പ്രതിസന്ധിയിൽ പെട്ട് ഉഴലുകയാണ്. അതിനിടെ ഫംഗസ് ബാധ കൂടിയായതോടെ കർഷകരുടെ കണ്ണീർ വീഴുകയാണ്. ലോൺ എടുത്ത് കൃഷി ചെയ്‌ത പല കർഷകരും ഇക്കൂട്ടത്തിലുണ്ട്. ഇനി ഇതൊക്കെ എങ്ങനെ മറികടക്കുമെന്ന നിരാശയിലാണ് ഇവർ. തങ്ങളുടെ ദുരിതത്തിന് അധികൃതരുടെ ഭാഗത്ത് നിന്ന് കൈത്താങ്ങ് ഉണ്ടാവണമെന്നാണ് കർഷകരുടെ ആവശ്യം. < !- START disable copy paste -->