അക്ഷരങ്ങളുടെ മധുരം വിളമ്പി നാടെങ്ങും വായനാദിനം ആചരിച്ചു

തുടർന്ന് വിദ്യാർഥികളുടെ വാട്‍സ് ആപ് ഗ്രൂപിൽ ഞാൻ വായിച്ച പുസ്തകം, ഓൺലൈൻ വത്കരിക്കപ്പെട്ട വിദ്യാർഥി ജീവിതം, വായനാദിനം ഓർമപ്പെടുത്തുന്നത്, മാതൃഭാഷയും പരിഷ്കാരവും, ഓൺലൈൻ യുവജനോത്സവം, പ്രതിസന്ധി കാലത്തെ കേരളീയരും - അതിജീവനവും, കൊറോണയും ഉപരിപഠനവും, മാലിന്യവിമുക്ത കേരളം സുന്ദര കേരളം, കൊറോണകാലത്തെ പ്രവേശനോത്സവം, പഴമയുടെ കൂടെ പടിയിറങ്ങിപോയ സംസ്കാരം തുടങ്ങി 10 വിഷയത്തിൽ പ്രസംഗ മത്സരം നടന്നു. രക്ഷിതാക്കളുടെ വാട്‍സ് ആപ് ഗ്രൂപിൽ, കോവിഡ് കാലത്തെ വിദ്യാർഥി, അധ്യാപകൻ, രക്ഷിതാവ് എന്ന വിഷയത്തിൽ പ്രസംഗ മത്സരവും സംഘടിപ്പിച്ചു. അധ്യാപകനായ രതീഷ് പിലിക്കോട് നേതൃത്വം നൽകി.

വൈകീട്ട് കുച്ച് വായനദിനാചരണം കവി മാധവൻ പുറച്ചേരി ഉദ്ഘാടനം ചെയ്തു. കെവി മണികണ്ഠദാസ് വായനാദിന സന്ദേശം നൽകി. കെ ജെ ആൻ്റണി, എം കെ പ്രിയ സംസാരിച്ചു. ആശിഖ് മുസ്ത്വഫ അധ്യക്ഷത വഹിച്ചു. നിധിന അശോകൻ സ്വാതവും, പാർവൺ ആർ ദാസ് നന്ദിയും പറഞ്ഞു. ക്ലാസധ്യാപകൻ രതീഷ് പിലിക്കോട് നേതൃത്വം നൽകി. രതീഷ് പിലിക്കോട് രചനയും ഉണ്ണികൃഷ്ണൻ സംഗീതവും ആലാപനവും നിർവഹിച്ച ഗാനവും അഭിനയും അഭിനവും ചേർന്ന് നടത്തിയ അക്ഷരനൃത്തവും അവതരിപ്പിച്ചു.

ടി ഐ എച് എസ് എസ് നായന്മാർമൂലയിൽ വായനാ വാരാചരണം വിദ്യാഭ്യാസ മന്ത്രി ഉദ്ഘാടനം ചെയ്തു

കാസർകോട്: നായന്മാർമൂല ടി ഐ എച് എസ് എസിൽ വായനാ വാരാചരണം കേരള വിദ്യാഭ്യാസ മന്ത്രി വി ശിവൻകുട്ടി ഉദ്ഘാടനം ചെയ്തു. വായനയിലൂടെ മാത്രമേ സാമൂഹിക നവോത്ഥാനം സാധ്യമാകൂ എന്ന് അദ്ദേഹം അഭിപ്രായപ്പെടു. ജമാഅത് പ്രസിഡന്റ് എൻ എ അബൂബകർ ഹാജി അധ്യക്ഷത വഹിച്ചു. സ്കൂൾ മാനജർ എം അബ്ദുള്ള ഹാജി മുഖ്യവായനാ സന്ദേശം കൈമാറി.

പ്രധാനധ്യാപകൻ പി നാരായണൻ സ്വാഗതവും പ്രിൻസിപൽ ടി വി മുഹമ്മദലി, പിടിഎ പ്രസിഡന്റ് എൻ യു അബ്ദുൽ സലാം, സ്കൂൾ സീനിയർ അസിസ്റ്റന്റ് കെ എസ് നാരായണൻ നമ്പൂതിരി, സ്റ്റാഫ് സെക്രടറി കെ അശോകൻ സംസാരിച്ചു. പ്രശസ്ത സാഹിത്യകാരന്മാരായ പി സുരേന്ദ്രൻ, സുസ്മേഷ് ചന്ദ്രോത്ത്, ഡോ. പി വി മോഹനൻ വായന സന്ദേശം നൽകി. വിദ്യാരംഗം കോ - ഓർഡിനേറ്റർ കെ പി മഹേഷ് കുമാർ നന്ദി പറഞ്ഞു.


മൊഗ്രാൽ ദേശീയവേദി ഓഫീസിൽ ഗ്രന്ഥാലയത്തിന് തുടക്കമായി

മൊഗ്രാൽ: നഷ്ടപ്പെട്ടുപോയ വായന സംസ്കാരം തിരിച്ചുകൊണ്ടുവരിക എന്ന ലക്ഷ്യത്തോടെ മൊഗ്രാൽ ദേശീയവേദി ഓഫീസിൽ വായനാദിനത്തിൽ ഗ്രന്ഥാലയത്തിന് തുടക്കം കുറിച്ചു. മലയാളത്തിന് പുറമെ കന്നഡ പുസ്തകങ്ങളും ഗ്രന്ഥാലയത്തിൽ ഒരുക്കിയിട്ടുണ്ട്. ഗ്രന്ഥാലയം പ്രമുഖ നാടകകൃത്ത് പത്മനാഭൻ ബ്ലാത്തൂർ ഉദ്ഘാടനം ചെയ്തു. കേരളത്തിന് മഹത്തായൊരു വായനാ പാരമ്പര്യമുണ്ടെന്നും ഇന്നാട്ടിലാകെയുണ്ടായ ജന്മി-ജാതി വിരുദ്ധ പോരാട്ടത്തിൻ്റെ ഭാഗമായി നടന്ന ജനകീയ മുന്നേറ്റത്തിൻ്റെ ഓരം ചേർന്നാണ് ഗ്രന്ഥശാലാ പ്രസ്ഥാനം നടന്നു കയറിയതെന്നും പത്മനാഭൻ ബ്ലാത്തൂർ പറഞ്ഞു.



ദേശീയവേദി പ്രസിഡണ്ട്‌ മുഹമ്മദ് അബ്‌കോ അധ്യക്ഷത വഹിച്ചു. എം മാഹിൻ മാസ്റ്റർ വായനാദിന സന്ദേശം നൽകി. പി മുഹമ്മദ് നിസാർ, സയ്യിദ് ഹാദി തങ്ങൾ, ഹമീദ് കാവിൽ, ടി എം ശുഹൈബ്, എം എം റഹ്‌മാൻ, ടി കെ ജാഫർ, വിജയകുമാർ, മുഹമ്മദ് കുഞ്ഞി ടൈൽസ്, ടി കെ അൻവർ, റിയാസ് കരീം, സിദ്ദീഖ് റഹ്‌മാൻ, മുഹമ്മദ് കുഞ്ഞി മാസ്റ്റർ, എച് എം കരീം, അശ്‌റഫ് പെർവാഡ്, മുഹമ്മദ് മൊഗ്രാൽ, എം എ ഇക്ബാൽ, അബ്ദുല്ലകുഞ്ഞി നട്പ്പളം, അഹ്‌മദ് റാശിദ് പ്രസംഗിച്ചു. എം എ മൂസ സ്വാഗതം പറഞ്ഞു.


മലയാളിക്ക്‌ വായനയുടെ വസന്ത കാലം സമ്മാനിച്ചയാളാണ് പി എൻ പണിക്കരെന്ന് ഡോ. അംബികാസുതൻ മാങ്ങാട്

കാസർകോട്: അക്ഷര കേരളത്തിന്റെ ശില്പിയും കേരള ഗ്രന്ഥശാലാ പ്രസ്ഥാനത്തിന്റെ ഉപജ്ഞാതവുമായ പി എൻ പണിക്കർ മലയാളിക്ക് വായനയുടെ വസന്ത കാലം സമ്മാനിച്ച വ്യക്തിയാണെന്ന് പ്രശസ്ത എഴുത്തുകാരൻ ഡോ. അംബികാസുതൻ മാങ്ങാട് അഭിപ്രായപ്പെട്ടു. പി എൻ പണിക്കർ പടുത്തുയർത്തിയ ആറായിരത്തോളം ഗ്രന്ഥശാലകൾ ഇന്ന് കേരളത്തിൽ അദ്ദേഹത്തിന്റെ സ്മാരകങ്ങൾ ആയി ഉയർന്നു നിൽക്കുകയാണ്. അതു കാത്തു സൂക്ഷിക്കേണ്ടത് നമ്മുടെ കടമ ആണെന്നും, പുസ്തക വായനയിലൂടെ മാത്രമേ അതിനു സാധിക്കൂ എന്നും അദ്ദേഹം കൂട്ടിച്ചേർത്തു.

വായനാദിനത്തോടനുബന്ധിച്ച് കാൻഫെഡ് സോഷ്യൽ ഫോറം സംഘടിപ്പിച്ച വിദ്യാർഥികളുമായുള്ള ഓൺലൈൻ സംവാദത്തിൽ സംസാരിക്കുകയായിരുന്നു അദ്ദേഹം. ഫോറം ചെയർമാൻ കൂക്കാനം റഹ്‌മാൻ വായനാദിന സന്ദേശം നൽകി. ജന. സെക്രട്ടറി ശാഫി ചൂരിപ്പള്ളം, ട്രഷറർ അബൂബകർ പാറയിൽ, കരിവെള്ളൂർ വിജയൻ, സി എച് സുബൈദ, അബ്ദുൽ സലാം, ടി കെ ജനനി, സകീന അബ്ബാസ്, സി പി വി വിനോദ്‌കുമാർ, ഹനീഫ കടപ്പുറം, പിങ്കലാക്ഷി ടീചെർ, മാധവൻ മാട്ടുമ്മൽ, അംബിക സുനിൽ, ടി തമ്പാൻ സംസാരിച്ചു. < !- START disable copy paste -->