യുവാവ് ട്രെയിനില്‍ നിന്നും വീണുമരിച്ചു; ആളെ തിരിച്ചറിഞ്ഞില്ല

By Web Desk - MainMay 29, 2018, 11:07 IST

ബന്തിയോട്: (www.kasargodvartha.com 29.05.2018) അജ്ഞാതനായ യുവാവ് ട്രെയിനില്‍ നിന്നും വീണുമരിച്ചു. ബന്തിയോട് മുട്ടംഗേറ്റിന് സമീപം റെയില്‍വേ ട്രാക്കിലാണ് 35 വയസ് പ്രായം തോന്നിക്കുന്ന യുവാവിന്റെ മൃതദേഹം കണ്ടെത്തിയത്. ജീന്‍സാണ് വേഷം. ചൊവ്വാഴ്ച രാവിലെ ആറു മണിയോടെയാണ് നാട്ടുകാര്‍ മൃതദേഹം കണ്ടത്.

വിവരമറിയിച്ചതിന്റെ അടിസ്ഥാനത്തില്‍ കുമ്പള പോലീസ് സ്ഥലത്തെത്തി ഇന്‍ക്വസ്റ്റ് നടത്തി. ആളെ തിരിച്ചറിയാന്‍ വേണ്ടി പോലീസ് അന്വേഷണം ആരംഭിച്ചു.

ശ്രദ്ധിക്കുക: സാധാരണ രീതിയില്‍ ഇത്തരം ചിത്രങ്ങള്‍ കാസര്‍കോട് വാര്‍ത്ത പ്രസിദ്ധീകരിക്കാറില്ല. അത്യാവശ്യ സന്ദര്‍ഭങ്ങളില്‍ തിരിച്ചറിയല്‍ ആവശ്യത്തിനായി മാത്രം ഉപയോഗിക്കുന്ന ഇതുപോലുള്ളവ ദയവായി ലോലഹൃദയങ്ങള്‍ക്ക് ഷെയര്‍ ചെയ്യുകയോ കൈമാറുകയോ അരുത്.

-ടീം കാസര്‍കോട് വാര്‍ത്ത