പുഴയില്‍ അജ്ഞാത മൃതദേഹം കണ്ടെത്തി

By Web Desk - MainFeb 26, 2018, 16:08 IST

ഉപ്പള: (www.kasargodvartha.com 26.02.2018) പുഴയില്‍ 40 വയസ് പ്രായം തോന്നിക്കുന്ന പുരുഷന്റെ മൃതദേഹം കണ്ടെത്തി. ഉപ്പള പത്വാടി പുഴയിലാണ് അജ്ഞാത മൃതദേഹം കണ്ടെത്തിയത്. ദുര്‍ഗന്ധം കാരണം പരിസരവാസികള്‍ നടത്തിയ തിരച്ചിലിലാണ് മൃതദേഹം കാണപ്പെട്ടത്.

വിവരമറിയിച്ചതിന്റെ അടിസ്ഥാനത്തില്‍ പോലീസും ഫയര്‍ഫോഴ്‌സും സ്ഥലത്തെത്തി. കറുത്ത പാന്റ്സും നീല നിറത്തിലുള്ള കുപ്പായവുമാണ് വേഷം. മൃതദേഹത്തിന് മൂന്ന് ദിവസത്തെ പഴക്കമുണ്ട്. മഞ്ചേശ്വരം പോലീസ് മൃതദേഹം ഇന്‍ക്വസ്റ്റ് നടത്തി.