ലൈംഗികപീഡനത്തിനിരയായ മുപ്പതുകാരി ആണ്‍കുഞ്ഞിന് ജന്മം നല്‍കി; എഴുപത്തിരണ്ടുകാരനെതിരെ കേസ്

By Web Desk SNAug 6, 2017, 16:08 IST

കാസര്‍കോട്: (www.kasargodvartha.com 06.08.2017) ലൈംഗികപീഡനത്തിനിരയായ മുപ്പതുകാരി ആണ്‍കുഞ്ഞിന് ജന്‍മം നല്‍കി. ഇതുസംബന്ധിച്ച യുവതിയുടെ പരാതിയില്‍ 72 കാരനെതിരെ പോലീസ് കേസെടുത്തു. കാസര്‍കോട് പോലീസ് സ്റ്റേഷന്‍ പരിധിയിലെ യുവതിയാണ് കഴിഞ്ഞദിവസം കാസര്‍കോട്ടെ ആശുപത്രിയില്‍ പ്രസവിച്ചത്. അസ്വസ്ഥത പ്രകടിപ്പിച്ച യുവതിയെ വീട്ടുകാര്‍ ആശുപത്രിയിലേക്ക് കൊണ്ടുപോവുകയായിരുന്നു.

ആശുപത്രി അധികൃതര്‍ കുട്ടിയുടെ പിതാവിന്റെ പേര് അന്വേഷിച്ചപ്പോള്‍ 72 കാരന്റെ പേര് യുവതി വെളിപ്പെടുത്തുകയാണുണ്ടായത്. വിവരമറിഞ്ഞ് പോലീസെത്തുകയും യുവതിയുടെ മൊഴി രേഖപ്പെടുത്തുകയും ചെയ്തു. ഒരു വര്‍ഷത്തോളമായി 72 കാരന്‍ തന്നെ പീഡിപ്പിച്ചുവെന്നാണ് യുവതിയുടെ പരാതി.