ദേവകി വധം; ക്രൈംബ്രാഞ്ച് അന്വേഷണം ആരംഭിച്ചു

പെരിയാട്ടടുക്കം: (www.kasargodvartha.com 27.06.2017) പനയാല്‍ കാട്ടിയടുക്കത്തെ ദേവകി (68)യെ കൊലപ്പെടുത്തിയ പ്രമാദമായ കേസില്‍ ക്രൈംബ്രാഞ്ച് അന്വേഷണം ആരംഭിച്ചു. കണ്ണൂര്‍ ക്രൈംബ്രാഞ്ച് എസ് പി ഡോ. എ. ശ്രീനിവാസിന്റെ മേല്‍നോട്ടത്തില്‍ ഡി വൈ എസ് പി ദേവസ്യയുടെ നേതൃത്വത്തിലുള്ള സ്പെഷ്യല്‍ ടീമാണ് അന്വേഷണം ആരംഭിച്ചത്. തിങ്കളാഴ്ച കാഞ്ഞങ്ങാട്ടെത്തിയ ഡി വൈ എസ് പി കേസ് ഡയറിയും അനുബന്ധരേഖകളും കേസ് ഇതുവരെ അന്വേഷിച്ച ഡി വൈ എസ് പി കെ ദാമോദരനില്‍ നിന്നും ഏറ്റുവാങ്ങി.

കൊലനടന്നിട്ടും മാസങ്ങള്‍ കഴിഞ്ഞിട്ടും പ്രതികളെ പിടികൂടാന്‍ ലോക്കല്‍ പോലീസിന് കഴിയാത്തതിനെ തുടര്‍ന്നാണ് അന്വേഷണം ക്രൈംബ്രാഞ്ച് ഏറ്റെടുത്തത്. ഇക്കഴിഞ്ഞ ജനുവരി 13 നാണ് ദേവകിയെ സ്വന്തം വീട്ടിനകത്തു കൊല്ലപ്പെട്ട നിലയില്‍ കണ്ടെത്തിയത്.