കൊലപാതകത്തിന് പിന്നില്‍ പ്രവര്‍ത്തിച്ച കറുത്തശക്തികളെ കണ്ടെത്തണം: എന്‍ എ നെല്ലിക്കുന്ന്

By kvarthakgd1Mar 21, 2017, 01:30 IST

കാസര്‍കോട്: (www.kasargodvartha.com 21/03/2017) പഴയ ചൂരിയില്‍ മദ്രസ അധ്യാപകന്റെ കൊലയ്ക്ക് പിന്നില്‍ പ്രവര്‍ത്തിച്ച കറുത്ത ശക്തികളെ കണ്ടെത്തി മാതൃകാപരമായി ശിക്ഷിക്കണമെന്ന് കാസര്‍കോട് എം എല്‍ എ എന്‍ എ നെല്ലിക്കുന്ന് അവശ്യപ്പെട്ടു. ഇതിന് മുമ്പും കാസര്‍കോട്ട് ഇത്തരം കൊലപാതകങ്ങള്‍ നടന്നിരുന്നു. കേസുകളില്‍ പിടിയിലായവരെല്ലാം പാവപ്പെട്ടവരായിരുന്നു.

എന്നാല്‍ ഇവരുടെ കേസുകള്‍ വാദിക്കാന്‍ എത്തിയത് കേരളത്തിലെ പ്രമുഖരായ അഭിഭാഷകരായിരുന്നുവെന്നും എന്‍ എ നെല്ലിക്കുന്ന് ചൂണ്ടിക്കാട്ടി. ഇതിന് പിന്നില്‍ പ്രവര്‍ത്തിക്കുന്ന കറുത്ത ശക്തികളെ കണ്ടെത്തണമെന്ന് അദ്ദേഹം പറഞ്ഞു.