കാറുമായി കൂട്ടിയിടിക്കാതിരിക്കാനായി വെട്ടിച്ച ഓട്ടോറിക്ഷ നിയന്ത്രണം വിട്ട് മതിലിലിടിച്ച് മറിഞ്ഞു; ഡ്രൈവറും യുവതിയും ആശുപത്രിയില്‍

തൃക്കരിപ്പൂര്‍: (www.kasargodvartha.com 30.03.2017) കാറുമായി കൂട്ടിയിടിക്കാതിരിക്കാനായി വെട്ടിച്ച ഓട്ടോറിക്ഷ നിയന്ത്രണം വിട്ട് മതിലിലിടിച്ച് മറിഞ്ഞു. അപകടത്തില്‍ ഡ്രൈവര്‍ക്കും യുവതിക്കും സാരമായി പരിക്കേറ്റു. ബുധനാഴ്ച വൈകുന്നേരം തൃക്കരിപ്പൂര്‍ എസ് ബി ഐ ശാഖത്ത് സമീപമാണ് അപകടമുണ്ടായത്.

ഓട്ടോറിക്ഷാഡ്രൈവര്‍ നടക്കാവ് കാപ്പിലെ നൗഷാദ്(31), യാത്രക്കാരിയായ എടാച്ചുമ്മലിലെ ജിനി(25) എന്നിവര്‍ക്കാണ് പരിക്കേറ്റത്. ഇരുവരെയും തൃക്കരിപ്പൂരിലെ സ്വകാര്യാശുപത്രിയില്‍ പ്രവേശിപ്പിച്ചു.


തൃക്കരിപ്പൂര്‍ ടൗണിലേക്ക് പോവുകയായിരുന്ന ഓട്ടോറിക്ഷ ബസിനെ മറികടന്ന് മുന്നോട്ടെടുത്ത കാറില്‍ ഇടിക്കാതിരിക്കാന്‍ വെട്ടിക്കുകയായിരുന്നു. ഇതോടെ ഓട്ടോ നിയന്ത്രണം വിടുകയും എസ് ബി ഐ ശാഖ പ്രവര്‍ത്തിക്കുന്ന കെട്ടിടത്തിന്റെ മതിലില്‍ ഇടിച്ച് മറിയുകയുമായിരുന്നു. അപകടത്തില്‍ ഓട്ടോയുടെ മുന്‍ഭാഗം തകര്‍ന്നു. നാട്ടുകാരാണ് പരിക്കേറ്റവരെ ആശുപത്രിയിലെത്തിച്ചത്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Trikaripur, Car, Auto-rickshaw, Driver, Hospital, Wall, Accident, Injured, Bus, Natives, Accident; 3 hospitalized.