മഞ്ചത്തടുക്കയില്‍ സ്‌കൂട്ടര്‍ കത്തിച്ചു

By Desk DeltaFeb 6, 2015, 11:17 IST

വിദ്യാനഗര്‍: (www.kasargodvartha.com 06/02/2015) പള്ളി പരിസരത്ത് നിര്‍ത്തിയിട്ട സ്‌കൂട്ടര്‍ കത്തിച്ചു. മഞ്ചത്തടുക്ക പള്ളിയിലെ ജീവനക്കാരന്‍ അണങ്കൂര്‍ തുരുത്തിയിലെ അബദുര്‍ റഹ്മാന്റെ കെ.എല്‍. 14 എം. 9199 നമ്പര്‍ ഹോണ്ട ആക്ടീവ സ്‌കൂട്ടറാണ് കത്തിച്ചത്.

വെള്ളിയാഴ്ച പുലര്‍ച്ചെ അഞ്ച് മണിയോടെ വീട്ടില്‍ നിന്ന് പള്ളിയിലെത്തിയ അബ്ദുര്‍ റഹ്മാന്‍ ബാങ്ക് വിളിച്ച് നിസ്‌ക്കരിച്ചതിന് ശേഷം നടക്കാന്‍ പുറത്തേക്ക് പോയിരുന്നു. 6.30 മണിയോടെ ഒരാള്‍ വിവരം അറിയിച്ചതിനെ തുടര്‍ന്ന് തിരിച്ചെത്തിയപ്പോഴാണ് സ്‌കൂട്ടര്‍ കത്തിനശിച്ചത് ശ്രദ്ധയില്‍പെട്ടത്.

അബ്ദുര്‍റഹ് മാന്റെ പരാതിയില്‍ വിദ്യാഗര്‍ പോലീസ് സ്ഥലത്തെത്തി വിവരങ്ങള്‍ ശേഖരിച്ചു. തീയിട്ടതാണെന്ന് സംശയിക്കുന്നുണ്ടെങ്കിലും അതിന്റെ പിന്നില്‍ ആരാണെന്ന് വ്യക്തമായിട്ടില്ല. പോലീസ് അന്വേഷണം ആരംഭിച്ചു.