ആബിദ് വധം: മുഖ്യപ്രതികളായ മൂന്നു പേരെയും ആബിദിന്റെ പിതാവ് തിരിച്ചറിഞ്ഞു

കാസര്‍കോട്: (www.kasargodvartha.com 22/01/2015) കാസര്‍കോട് എം.ജി. റോഡിലെ ജെ.ജെ ബെഡ് സെന്റര്‍ ജീവനക്കാരനായ തളങ്കര നുസ്രത്ത് റോഡിലെ സൈനുല്‍ ആബിദി (22) നെ വെട്ടിക്കൊലപ്പെടുത്തിയ കേസില്‍ മുഖ്യപ്രതികളായ മൂന്നുപേരെയും കൊല്ലപ്പെട്ട സൈനുല്‍ ആബിദിന്റെ പിതാവ് കെ.എ. മുഹമ്മദ് കുഞ്ഞി തിരിച്ചറിഞ്ഞു. കാസര്‍കോട് സബ്ജയിലില്‍ നടത്തിയ തിരിച്ചറിയല്‍ പരേഡിലാണ് ആദ്യ പരിശോധനയില്‍ തന്നെ മൂന്നു പ്രതികളേയും മുഹമ്മദ് കുഞ്ഞി തിരിച്ചറിഞ്ഞത്.

മഹേഷ്

ഉദയന്‍

വിദ്യാനഗര്‍ പന്നിപ്പാറയിലെ പ്രശാന്ത് (20), പെരിയടുക്കത്തെ ഉദയന്‍ എന്ന ബട്ടി ഉദയന്‍(31), ബട്ടംപാറയിലെ മഹേഷ് (19) എന്നിവരെയാണ് മുഹമ്മദ് കുഞ്ഞി തിരിച്ചറിഞ്ഞത്. കാഞ്ഞങ്ങാട് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് രഞ്ജിത്തിന്റെ സാന്നിധ്യത്തിലാണ് തിരിച്ചറിയല്‍ പരേഡിന് പ്രതികളെ വിധേയമാക്കിയത്.

ഓരോ പ്രതിക്കും പത്ത് പേരെ വെച്ച് 30 പേരെ അണിനിരത്തിയാണ് തിരിച്ചറിയല്‍ പരേഡ് നടത്തിയത്. ജനുവരി 17 ന് വൈകിട്ട് മൂന്നു മണിയ്ക്കാണ് കാസര്‍കോട് സി.ഐയും അന്വേഷണ ഉദ്യോഗസ്ഥനുമായ പി.കെ. സുധാകരന്റെ നേതൃത്വത്തില്‍ തിരിച്ചറിയല്‍ പരേഡ് ഒരുക്കിയത്.

പ്രശാന്ത്

ഉദയനാണ് പിതാവിന്റെ മുന്നില്‍ വെച്ച് ആബിദിനെ കുനിച്ചു നിര്‍ത്തി പുറത്ത് ആദ്യം കുത്തിയത്. പിന്നീട് മഹേഷും പ്രശാന്തും കുത്തുകയായിരുന്നു.