മുരളി വധം: ഐ.ജി. ദിനേന്ദ്ര കശ്യപ് വ്യാഴാഴ്ച കാസര്‍കോട്ട്

കാസര്‍കോട്: (www.kasargodvartha.com 12.11.2014) സി.പി.എം. പ്രവര്‍ത്തകന്‍ കുമ്പള ശാന്തിപ്പള്ളത്തെ പി. മുരളിയെ കൊലപ്പെടുത്തിയ കേസിന്റെ കൂടുതല്‍ അന്വേഷണത്തിനായി കണ്ണൂര്‍ മേഖലാ ഐ.ജി. ദിനേന്ദ്ര കശ്യപ് വ്യാഴാഴ്ച കാസര്‍കോട്ടെത്തും.

 ഉച്ചയ്ക്ക് അദ്ദേഹം ജില്ലാ പോലീസ് മേധാവി തോംസണ്‍ ജോസ്, ഡി.വൈ.എസ്.പി. മാരായ ടി.പി.രഞ്ജിത്ത്, കെ. ദാമോദരന്‍, സി.ഐ. മാരായ കെ.പി. സുരേഷ് ബാബു, പി.കെ. സുധാകരന്‍ തുടങ്ങിയവരുമായി അദ്ദേഹം ചര്‍ച്ച നടത്തും. അതിനു ശേഷമായിരിക്കും അന്വേഷണം ഏതു രീതിയില്‍ മുന്നോട്ടു കൊണ്ടു പോകണം എന്നു തീരുമാനിക്കുക.

മുരളി വധത്തിനു പിന്നില്‍ ഗൂഢാലോചന നടന്നുവെന്ന ആരോപണത്തെ തുടര്‍ന്നാണ് ഐ.ജി.യ്ക്ക് കേസ് അന്വേഷണച്ചുമതല നല്‍കിയത്. ഒക്ടോബര്‍ 27നാണ് മുരളി കൊല്ലപ്പെട്ടത്. ഇതിനകം എട്ടു പേരെ കേസില്‍ അറസ്റ്റു ചെയ്തിട്ടുണ്ട്.